शपथ ले के बाद मैं पहिली काम किसान के करजा माफी करेवं : मुख्यमंत्री भूपेश बघेल

शपथ ले के बाद मैं पहिली काम किसान के करजा माफी करेवं : मुख्यमंत्री भूपेश बघेल

अजोर.रायपुर। मुख्यमंत्री भूपेश बघेल ह सिहावा विधानसभा क्षेत्र के गांव बेलरगांव म आम जनता ले भेंट-मुलाकात कार्यक्रम ल सम्बोधित करत किहिन के मुख्यमंत्री पद के शपथ ले के बाद मैं, जेन पहिली काम करेवं, वो ह रिहिस किसान मन के करजा माफी। ओमन किहिन के शपथ ले के बाद वो ह सोज मंत्रालय गिस अउ राज्य के लगभग 19 लाख किसान मन म बाकी साढ़े नौ हजार करोड़ रूपिया के करजा माफी के फाइल म दस्तखत करिस। ओमन किहिन के राज्य के लोगन के आय अउ उंकर जिनगी स्तर के बढि़या बनाना हमर लक्ष्य हावय। येकर खातिर बीते चार साल म आजीविका के विविध साधन सृजित करे  गे हावयं। ओमन राजीव गांधी किसान न्याय योजना, गोधन न्याय योजना, राजीव गांधी ग्रामीण कृषि भूमिहीन मजदूर न्याय योजना, सुराजी गांव योजना, स्वामी आत्मानंद अंग्रेजी माध्यम स्कूल, मुख्यमंत्री हाट बाजार क्लिनिक जइसे अभिनव योजना मन के उल्लेख करत किहिन के ये योजना लोगन के जिनगी ल बढि़या बनाये वाला योजना हावयं।

मुख्यमंत्री ह ए मउका म नगरी-सिहावा क्षेत्र के विकास के खातिर कई सौगात दीस। मुख्यमंत्री ह बेलरगांव म सामुदायिक भवन, सांकरा-घठुला-बेलरगांव-जैतपुरी रद्दा चौड़ीकरण, राजपुर ले कर्राघाटी तक पक्की सड़क, मुरूमसिल्ली बांध के सुरक्षा के खातिर प्रोटेक्शन वॉल बनाये अउ डिस्टर्व पिचिंग के सुधार, बालका नदी के कर्णेश्वर संगम मंदिर तक तटबंध निर्माण, बाजार कुर्रीडीह म धान खरीदी केंद्र, गांव पंचायत खैरभर्री म आमानाला नदी के किनारे पुल निर्माण, गोविन्दपुर म डोंगापथरा के पास पुल निर्माण, करैया ले सारंगपुरी पहुंचमार्ग अउ करैहा ले आड़मुड़ा रद्दा म पुलिया निर्माण, अमाली, गुडरापारा, राजपुर अउ लखनपुर म मुख्यमंत्री हाट बाजार योजना के क्रियान्वन बर शेड निर्माण, गांव पंचायत चनागांव, गेदरा, उमरगांव, कांटाकुर्रीडीह, लखनपुरी, कसपुर, बनबगौद, परसापानी, कल्लेमेटा, भड़सिवना, हिर्रीडीह, घठुला अउ खम्हरिया म देवगुड़ी बनाये अउ जीर्णोद्धार कराए जाये के घोसना करिस।

मुख्यमंत्री ह किहिन के राज्य म कृषि अउ किसान मन के बेहतरी के खातिर राजीव गांधी किसान न्याय योजना के सुरू के गे। ओमन किहिन के ए योजना के लागू करे के बाद ही कोरोना के वैश्विक महामारी आ गे। काम-धंधे ठप होगे। राज्य के वित्तीय स्थिति म तको येकर प्रभाव पड़त, येकर बावजूद तको हमन किसान भाई ल ए योजना के तहत 1500 करोड़ रूपिया के पहिली किश्त 21 मई 2020 के जारी करिस। किसान भाई ल चार किस्त म कुल 5628 करोड़ रूपिया दिस। ओमन किहिन के ए योजना के तहत चार किस्त म रकम दे जाये म कुछ लोगन ह एतराज जताइस। मुख्यमंत्री ह किहिन के चार किस्त म रकम दे जाना, किसान भाई के खातिर खेती-किसानी, तीज त्यौहार, वैवाहिक कार्यक्रम अउ आन जरूरत ल पूरा करे म साथी साबित होए हावय। ए योजना के तहत अब तक राज्य के 24 लाख किसान भाई के 16 हजार 415 करोड़ रूपिया के मदद दीस जा चुके हावय। ओमन किहिन के ए साल हमन देवारी के तिहार मनाने के खातिर योजना के तीसरी किश्त के रकम जेन एक नवम्बर राज्योत्सव के मउका म जारी के जात रिहिस, ओला 17 अक्टूबर के ही किसान भाई के बैंक खाता म डाल दे रिहिस, ताकि 24 अक्टूबर के देवारी के तिहार  वो ह अच्छा ले मना सके। ओमन किहिन के चौथी अउ आखरी किश्त 31 मार्च के किसान मन के जारी करके दीस जाही। मुख्यमंत्री ह किहिन के गोधन न्याय योजना के जरिए ये साबित हो चुके हावय के गोबर बेचके तको पइसा कमाया जा सकत हावय। अब गौमूत्र के तको खरीदी करे जात हावय।

मुख्यमंत्री भूपेश बघेल ह किहिन के राज्य म शिक्षा के स्तर के बढि़या बनाये के खातिर बजट म बड़वार करे के संग ही अंग्रेजी माध्यम म फोकट म शिक्षा के खातिर स्कूल सुरू करे  हावयं। आज राज्य म 279 स्कूल संचालित हावय। जेकर माध्यम ले गरीब परिवार के लइका ल अच्छा शिक्षा मिलत हावय। गांव के लइका तको अब फर्राटे ले अंग्रेजी म गोठबात करे लगे हावयं। हमन छत्तीसगढ़ के संस्कृति के संरक्षित करे के संग ही बढ़ावा दे के काम करे हावय। तीज तिहार मन म अवकाश, आदिवासी संस्कृति के संरक्षण के खातिर देवगुड़ी के विकास के काम करे हावयं। राम वन गमन पर्यटन परिपथ के विकास करके रिहिन हावयं। लोगन के आस्था अउ श्रद्धा के देखत होइस चंदखुरी, शिवरीनारायण अउ राजिम म विकास के काम के संग-संग भगवान राम के बड़का प्रतिमा स्थापित करे हावय।

बेलरगांव म भेंट-मुलाकात के बखत मुख्यमंत्री भूपेश बघेल के सलोनी गांव के किसान झंकेश्वर साहू ह बताइन के किसान मन के करजा माफी ले उंकर 4 लाख 80 हजार रूपिया के करजा माफ होइस हावय। किसान झंकेश्वर साहू ह बताइन के ओमन कृषि करजा के ये रकम धान बेचके जमा कर दे रिहिस। करजा माफी के घोसना के बाद बैंक ह कर्ज के एवज जमा के गे पूरा रकम 4.80 लाख रूपिया उंकर खाते म लौटा दीस। कृषि करजा माफी अउ राजीव गांधी किसान न्याय योजना के माध्यम ले मिलत मदद के खातिर ओमन मुख्यमंत्री के आभार जतात किहिन के येकर ले राज्य के किसान मन के आर्थिक स्थिति अच्छा होए हावय। किसान झंकेश्वर साहू के पास 40 एकड़ कृषि भूमि हावय। अब वो ह धान के अलावा गन्ने के खेती करे लगे हावयं। खेती-किसानी के खातिर छत्तीसगढ़ सरकार के तनि ले मिल रेहे मदद के चलत ओमन दू ट्रेक्टर तको खरीद ले हावय। राजीव गांधी किसान न्याय योजना के माध्यम ले ओला सबोच किश्त म लगभग 1 लाख 20 हजार रूपिया मिलगे हावयं। जेकर चलत वो ह अपन लइका के अच्छा शिक्षा देवाये के खातिर ओला भिलाई अउ धमतरी म पढ़ात हावय। मुख्यमंत्री ह किसान झंकेश्वर साहू ले मजाकिया लहजा म पूछिस के बहू के खातिर का खरीदे, त झंकेश्वर साहू ह मुस्कुरात बताइन के अपन पत्नी के खातिर सोना के बड़ेकजन रानी हार खरीदे हावय।