राजधानी म निर्माणाधीन ब्रिज, रेलवे अंडर ब्रिज अउ एक्सप्रेस-वे के करिन निरीक्षण मंत्री ताम्रध्वज साहू

राजधानी म निर्माणाधीन ब्रिज, रेलवे अंडर ब्रिज अउ एक्सप्रेस-वे के करिन निरीक्षण मंत्री ताम्रध्वज साहू

अंजोर.रायपुर। लोक बनाये मंत्री ताम्रध्वज साहू ह राजधानी रायपुर के आने-आने इलाका म निर्माणाधीन ब्रिज, रेलवे अंडर ब्रिज अउ एक्सप्रेस-वे के सघन निरीक्षण करके संबंधित  अधिकारी मनला जरूरी निर्देश दिस। साहू ह किहिन के अधिकारी बुता के सतत निगरानी करें। लोक निर्माण मंत्री साहू ह रायपुर के गोगांव अंडर ब्रिज अउ तेलघानी नाका के तिर बनत ओवर ब्रिज अउ एक्सप्रेस-वे  के निरीक्षण करिन। ओमन ब्रिज बनाये ले संबंधित  अधिकारी मनले किहिन के रेलवे ले समन्वय करके बुता समय म पूरा करें। मंत्री साहू ह एक्सप्रेस-वे अउ ब्रिज बनाये ले संबंधित  अधिकारी मनला निर्देशित करिन के सबो बांचे बचे बुता ल तुरते गति ले पूरा करें ताकि येकर लघियात लोकार्पण हो सके अउ आम नागरिक ल ये क्षेत्र म सुविधाजनक यातायात के लाभ मिल सके।

लोक निर्माण मंत्री साहू ह बताइन के रायपुर स्टेशन ले शदाणी दरबार तक बनत एक्सप्रेस-वे सड़क सहित सबो ब्रिज संबंधित बुता अब पूरा होवइया हावय। बीते साल म कोरोना महामारी के विषम चुनौती के सेती विकास बुता म तोड़ा विलंभ जरूर होए रिहिस फेर अब ये बुता पूरा होए के करीब हावयं। ओमन किहिन के  साल 2020 ले 2023 तक मैं एक्सप्रेस-वे सहित सबो ब्रिज संबंधित बुता के सरलग निरीक्षण करे हावय अउ  अधिकारी मनला इंकर संबंधित बुता म प्रगति लाने अउ गुणवत्तामूलक बुता करत सबो बुता पूरा करे के निर्देश दे हावं।

श्री साहू ह किहिन के ए बखत निर्माणाधीन गोगांव अउ डीआरएम ऑफिस अंडर ब्रिज बुता के धीमी प्रगति म जुन्ना ठेकेदार के टेंडर निरस्त करे गिस अउ नवा सिरे टेंडर प्रक्रिया पूरा करके विकास बुता ल आगू बढ़ाये गे ताकि लोगन के जाम के समस्या ले निजात मिले अउ लोगन के सुगम यातायात के लाभ मिल सके। लोक बनाये मंत्री ह किहिन हावय के अभी के बेरा म गोगांव अंडर ब्रिज अउ तेलघानी नाका ओवर ब्रिज म इलेक्ट्रिकल अउ सौंदर्यीकरण बुता पूरा होवइया हावय अउ लघियात ही एला शहर वासी के खातिर सुरू कर दे जाही। येकर संग ही संग ही अगले कुछ महीना म फाफाडीह डीआरएम ऑफिस अंडर ब्रिज के बुता पूरा होवत ही ओला शहर वासी के खातिर सुरू करके दे जाही। निरीक्षण के बखत संसदीय सचिव विकास उपाध्याय अउ संबंधित विभाग के अधिकारी उपस्थित रिहिस।