बलरामपुर म राज्य के पहिली शहीद पार्क के लोकार्पण करिन मुख्यमंत्री भूपेश बघेल

बलरामपुर म राज्य के पहिली शहीद पार्क के लोकार्पण करिन मुख्यमंत्री भूपेश बघेल

अंजोर.रायपुर। छत्तीसगढ़ के मुख्यमंत्री भूपेश बघेल के मंशा हावय के शहीद के सुरता करे के खातिर साल म कोनो एक दिन के इंतजार न करे जाए बल्कि ओला लोगन हर दिन सुरता करें। इही सोच के संग बलरामपुर रामानुजगंज जिला म प्रदेस के पहिली शहीद पार्क के स्थापना करे गे हावय। मकर संक्रांति के दिन मुख्यमंत्री भूपेश बघेल ह ए शहीद पार्क के लोकार्पण करिन।

बलरामपुर म प्रदेस के पहिली शहीद पार्क के लगभग चालीस लाख रूपिया के लागत ले तइयार करे गे हावय, येला बनाये के खातिर नगर पालिका ल नोडल एजेंसी बनाये गे रिहिस। बलरामपुर म देश के पहिली शहीद पार्क ल लगभग चालीस लाख रूपिया के लागत ले तइयार करे गे हावय।

बलरामपुर के शहीद चौक म स्थापित ए पार्क म शहीद प्रधान आरक्षक लाजरुस मिंज, शहीद आरक्षक महेश राम पैंकरा, शहीद आरक्षक अनिल खलको, शहीद उप निरीक्षक नबोर कुजूर, शहीद प्रधान आरक्षक मनाजरूल हक, शहीद उप निरीक्षक मसीह भूषण लकड़ा, शहीद प्रधान आऱक्षक रामसाय राम के प्रतिमा स्थापित करे गे हावयं। प्रतिमा के खल्हे अमर शहीद के बायोडाटा तको उकेरे गे हावय ताकि हर कोनो इंकर अतुल्य योगदान के बारे म जान सके। देश के ये वीर सपूत ल देखे के खातिर शहीद पार्क म लोगन के भीड़ उमड़त हावय अउ येकर ले ये शहीद ल वो सम्मान मिलत हावय जेकर वो हकदार हावयं।