अंजोर.जांजगीर। पुलिस अधीक्षक डहर ले पुलिस कार्यालय के सभाकक्ष म जिला के निजी सुरक्षा कंपनी के संचालक के बइठक आहुत करे गिस, जेमा एसआईएस दिल्ली, बीआईएस, टाप सिक्युरिटि सर्विस, पारदोस सिक्युरिटी सर्विस, सीएमएस सिक्युरिटी कंपनी, सिद्धिविनायक सिक्युरिटी एजेंसी मेघा सिक्युरिटी सर्विस जी 47 स्मार्ट सिक्युरिटी एक्सपर्ट सिक्युरिटी, टारगेट सिक्युरिटी अउ सिक्वा रिक्यूरिटी के संचालक उपस्थित रिहिस। बइठक म संचालक मनला जरूरी निर्देश दिस:-
01. निजी सुरक्षा म काम करे वाला सबो गार्डो के जरूरी रूप ले चरित्र सत्यापन करावें।02. जेन निजी सुरक्षा कंपनी डहर ले हथियार बंद गार्ड रखइया कंपनी के संचालक ल हथियार के लायसेंस के कापी जरूरी रूप ले कार्यालय म जमा करावे जेकर ले इंकर लायसेंस के सत्यापन करे जा सके।03 आन राज्य के आपराधिक किस्म के मनखे घटनाकारित करके निजी सुरक्षा कंपनी म बुता करत रिथे अइसे मनखे जेन बाहिर ले आके सुरक्षा एजेंसी म कार्यरत हो उंकर पूरा पता नोट करा के उंकर वेरिफिकेशन कराना सुनिश्चित करें।04 निजी सुरक्षा कंपनी म काम करइया गार्ड ल करार प्रोफार्मा म जानकारी,फोटो, पहिली के कार्यस्थल संस्था के तको विवरण प्रस्तुत करें।05. चरित्र सत्यापन बर प्रेषित जानकारी म कार्यरत कर्मचारी मन के विरूद्ध दर्ज आपराधिक प्रकरण संबंधी जानकारी तको जरूरी रूप ले उल्लेखित करें।06 अइसे निजी सुरक्षा एजेंसी जेकर गार्ड कैश हैडलिंग के बुता करत हावय अउ जेन गार्ड आन राज्य ले आके बुता करत हावय उन गार्ड के बिसेस रूप ले उंकर मूल निवास ठऊर के आधार म चरित्र सत्यापन कराइन बर लघियात जानकारी प्रेषित करें।07 अपराधिक प्रकरण म संलिप्त कर्मचारी मन के निजी सुरक्षा कंपनी म बुता म नइ रखे बर समझाईश दीस।08 ड्यूटी के बखत उपयोग करे जाये वाला हथियार दुरुस्त स्थिति म हो हथियार म कोनो तको रकम ले के परेशानी होए म लिखित म सूचना दे बर निर्देशित करे गिस।09 अइसे निजी सुरक्षा कंपनी जेकर डहर ले हथियार के उपयोग करे जाथे उन हथियार के 01 सप्ताह के अंदर रक्षित केन्द्र जांजगीर भेजकर परीक्षण करावे10 बिना पसारा लायसेंस के निजी सुरक्षा कंपनी चलाने वाला के संबंध म जानकारी मिले म उंकर विरुद्ध आपराधिक कार्यवाही करे जाही।11. संचालक के सुरक्षा के दृष्टि ले जरूरी रूप ले सीसीटीव्ही लगाये संग ही सीसीटीव्ही लगात समय सही एंगल के चयन करे अउ सीसीटीव्ही बंद न हो वो, धियान दे बर निर्देशित करे गिस।12 प्रायः देखे म आथे के एटीएम अंदर रतिहा म ड्यूटी करे वाला गार्ड सोत मिलथे जेकर सेती कोनो तको रकम ले घटना होए के संभावना रिथे हावय। अइसे गार्ड के बीच-बीच म चेक करके ड्यूटी के प्रति सजग रेहे बर निर्देशित करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।