तातापानी महोत्सव सांस्कृतिक कार्यक्रम के शानदार प्रस्तुति

तातापानी महोत्सव सांस्कृतिक कार्यक्रम

अंजोर.रायपुर। छत्तीसगढ़ के बलरामपुर-रामानुजगंज जिला अपन आदिम संस्कृति अउ परंपरा के अनूठा विरासत के खातिर मशहूर हावय, इही विरासत ल अउ आगू बढ़ाये के खातिर हरेक साल तातापानी महोत्सव के आयोजन करे जाथे। तीन दिवसीय तातापानी महोत्सव के पहिली दिन के सांस्कृतिक संझा म  स्थानीय कलाकार मन अउ प्रदेस ख्याति प्राप्तआ कलाकार मन ह अपन प्रस्तुति दीस।

ए मउका म आने-आने स्कूल मन ले आये पढ़ईया लइका ह नृत्य के माध्यम ले जिला के विकास के झलक अउ  पारंपरिक नृत्य के शानदार प्रस्तुति दीस। येकर संग ही छत्तीसगढ़ के सुप्रसिद्ध लोकगीत गायिका आरू साहू अउ सुनिल मानिकपुरी ह अपन सुरीली आवाज के जादू ले देखइया ल मंत्रमुग्ध कर दीस अउ अपन टीम के संग छत्तीसगढ़ी लोकगीत के प्रस्तुति दीस।

ऐतिहासिक संक्रांति परब तातापानी महोत्सव म जिला के आने-आने स्कूल मन अउ महाविद्यालयीन पढ़इया लइका ह सुआ, कर्मा, गेड़ी नृत्य के प्रस्तुति ले पहुना मनके मन मोहा।  जिला के आने-आने ठऊर मन ले आये स्थानीय जनजाति कलाकार मन ह अपन नृत्य के माध्यम ले छत्तीसगढ़ के कला अउ संस्कृति झलक प्रस्तुत करिस।

युवा सूफ़ी गायक नासिर अहमद अउ नरिन्द्र पाल सिंह ह खूबसूरत सूफी कलाम अउ नगमा पेश करके श्रोता ल मंत्र मुक्त कर दीस। ओमन अपन गायकी म रूहानी संगीत के खुशबू ले सूफी के हर रंग ल नवा अंदाज ले पेश करके के श्रोता मनके दिल म अपन जगह बनाइस। तातापानी महोत्सव म सांस्कृतिक कार्यक्रम के बखत जगह देखइया ले पूरा रकम ले भरे रिहिन। हजारों के संख्या म उपस्थित देखइया ह पूरा तन्मयता के संग सांस्कृतिक कार्यक्रम के जमकर लुत्फ उठाइस।

जिला प्रशासन ह करिन कलाकार मनके सम्मान

तातापानी महोत्सव म अपन प्रदर्शन अउ कला ले लोगन के मन मोहने वाला आने-आने ठऊर मन ले आये कलाकार मन  के  जिला प्रशासन के कोति ले कलेक्टर विजय दयाराम के.,एसपी मोहित गर्ग अउ जिला पंचायत सीईओ श्रीमती रैना जमील ह प्रशस्ति पाती देके  सम्मानित करिन।