 |
| रानी धनराज कुंवर सामुदायिक स्वास्थ्य केंद्र म सीजेरियन जचकी अउ महिला नसबंदी |
अंजोर.कोरबा। रानी धनराज कुंवर देवी शहरी सामुदायिक स्वास्थ्य केंद्र म अब सीजेरियन जचकी अउ महिला नसबंदी (सीटीटी) के सुविधा सुरू हो गे हावय। कलेक्टर संजीव झा के बिसेस पहल अउ निर्देश म शहरी सामुदायिक स्वास्थ्य केंद्र म ये सुविधा सुरू करे गे हावय। येकर ले अस्पताल आने वाला सीजेरियन जचकी अउ महिला नसबंदी के मामला म काफी राहत मिलही। मुख्य चिकित्सा अउ स्वास्थ्य अधिकारी डॉ.एस.एन. केसरी ह बताइन के जिला म आम नागरिक, महिला, बुजुर्ग अउ लइका ले संबंधित बढि़या स्वास्थ्य सुविधा दे खातिर सरलग प्रयास करे जात हावयं। इही कड़ी म रानी धनराज कुंवर देवी सामुदायिक स्वास्थ्य केंद्र म गर्भवती महिला मन के सीजेरियन जचकी के सुविधा के संग ही महिला नसबंदी के खातिर सीटीटी के तको सुविधा उपलब्ध कराये गे हावय।
डॉ. केसरी ह बताइन के पहिली म क्षेत्र के महिला मन के सीजेरियन जचकी अउ महिला नसबंदी के खातिर जिला अस्पताल (मेडिकल कॉलेज) अउ निजी नर्सिंग होम म निर्भर रहना परत रिहिस। फेर अब शहर के बीच सरकारी अस्पताल म ये सुविधा मिले ले सीजेरियन जचकी के मामला म परेशानी नइ होही। ये सुविधा के ले सामुदायिक स्वास्थ्य केंद्र म स्त्री रोग विशेषज्ञ, शिशु रोग विशेषज्ञ अउ निस्थिेरिया विशेषज्ञ अउ आन डॉक्टर मन के पदस्थापना करे गे हावय। आने वाला समय म सामुदायिक स्वास्थ्य केंद्र म चिकित्सकीय सुविधाअउ तको बढि़या करे जाही। ओमन बताइन के क्षेत्र या जिला के वो महिला मन अउ परिवार जेन अपन परिवार पूरा करके चुके हावयं अउ परिवार नियोजन कराना चाहत हावयं वो तको अस्पताल आके सुविधा के लाभ ले सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।