मिनीमाता महतारी जतन योजना के आर्थिक सहायता के फायदा मिलत हाबे अभिभावक मनला

मिनीमाता महतारी जतन योजना

अंजोर.रायगढ़। शासन डहर ले लइका के देखभाल अउ स्वास्थ्य ल धियान रखत आने-आने विभाग के माध्यम ले कई योजना संचालित करे जात हावय। इही क्रम म श्रम विभाग डहर ले  मिनीमाता महतारी जतन योजना के तहत आर्थिक रूप ले कमजोर परिवार वर्ग के लोगन के बच्चा के पोषण अउ देखभाल के खातिर एकमुश्त रकम दे जात हावय। जेकर ले कामगार परिवार के काफी सहूलियत मिलत हावय।

ए योजनांतर्गत पंजीकृत महिला मजदूर के प्रसूति मदद रकम के रूप म 20 हजार रूपिया एकमुश्त दे के प्रावधान हावय। ये रकम महिला मजदूर के लइका के जनम के पाछु दे जाथे। ए योजना के लाभ पहिली दू लइका के जचकी के खातिर दे जाथे। योजना के लाभ मिले ले आर्थिक रूप ले कमजोर वर्ग ल काफी मदद मिलत हावय। आय के खातिर रोजी मजदूरी म निर्भर रेहे वाला मजदूर के खातिर शासन के ये योजना लाभदायक के संग उपराहा आय के काम करत हावय, जेकर ले पालक अपन लइका के देखभाल के अलावा वो रकम के उपयोग उंकर भविष्य के खातिर सुरक्षित रखत हावय।

विकासखंड पुसौर गांव डीपापारा बोन्दा निवासी रीता निषाद पति वीरेंद्र ह बताइन के ओला मिनी महतारी जतन योजना के लाभ मिले  हावय। योजना ले मिले रकम के लइका के भविष्य के खातिर एफडी करे गे हावय। ये योजना कमजोर वर्ग के खातिर आर्थिक रूप ले मदद देत हावय। गांव मचगोढ़ा निवासी श्रीमती प्रेम कुमारी ह बताइन के उंकर पति हरि राम चंद्रा खेती-किसानी के बुता करत हावय। शासन के महतारी जतन योजना के लाभ ओला मिले  हावय। ओमन मिले रकम के बैंक म सुरक्षित रखे हावय, ताकि आगू चलके उंकर लइका के काम आ सके। ओमन शासन के ए योजना के बहुत लाभदायक बतात मुख्यमंत्री भूपेश बघेल के अपन धन्यवाद ज्ञापित करे हावय।

सहायक श्रमायुक्त विकास सरोदे ह बताइन के श्रम विभाग रायगढ़ म निर्माणी मजदूर के छ.ग.भवन अउ आन सन्निर्माण कर्मकार कल्याण मण्डल के तहत पंजीयन करे जाथे। जिला म साल 2022-23 म 445 मजदूर के मिनीमाता महतारी जतन योजना के लाभ मिले हावय। जेकर तहत कुल 88 लाख 85 हजार रूपिया के अनुग्रह रकम बांटे गे हावय। छ.ग.भवन अउ आन सन्निर्माण कर्मकार कल्याण मण्डल के महतारी जतन योजना संचालित हावय। ये योजना के तहत जचकी बाद लइका के जनम के 90 दिन के अंदर ऑनलाईन आवेदन करे म महिला ल 20 हजार रूपिया अनुग्रह मदद रकम एकमुश्त दिये जाये के प्रावधान हावय। येकर खातिर श्रम विभाग के वेबसाईट cglabour.nic.in के ले कोनो तको च्वाईस सेंटर ले ऑनलाईन आवेदन करे जा सकत हाबे।