 |
| विकासखण्ड स्तरीय मानस मंडली प्रतियोगिता |
अंजोर.जगदलपुर। सांस्कृतिक विरासत के तहत रामायण मंडली मन के प्रोत्साहित करे के खातिर विकासखण्ड स्तरीय मानस मंडली प्रतियोगिता के आयोजन 5 ले 10 जनवरी 2023 के खातिर सबो जनपद पंचायत के मुख्य कार्यपालन अधिकारी मनला निर्देशित करे हावय। गांव पंचायत स्तर-जनपद पंचायत स्तर म मानस मंडली प्रतियोगिता के विजेता मन के बीच जिला स्तरीय प्रतियोगिता 01 फरवरी 2023 के आसना बादल म आयोजित करे जाही। जिला स्तर के विजेता जिला गरियाबंद के राजिम म 16 ले 18 फरवरी 2023 के आयोजित राज्य स्तरीय रामायण मंडली प्रतियोगिता म सामिल होही।
कलेक्टर ह जनपद पंचायत के मुख्य कार्यपालन अधिकारी मनला विकासखंड स्तर ले चयनित मानस मंडली दल के जिला स्तरीय प्रतियोगिता म लेके आने अउ सुरक्षित वापस लेके जाये बर एक नोडल अधिकारी नियुक्त करे के निर्देश दे हावयं। संग ही विकासखण्ड स्तरीय प्रतियोगिता म भाग ले वाला सबो सक्रिय मानस मंडली संघ अउ पंजीकृत सबो मानस मंडली संघ के पंजीयन चिन्हारी पोर्टल म अनिवार्यत दर्ज कराये के निर्देश दिस। विकासखण्ड स्तरीय आयोजित प्रतियोगिता म जूरी सदस्य मन के रूप म स्थानीय जनप्रतिनिधि, मानस विशेषज्ञ, वरिष्ठ कलाकार, संगीत शिक्षक मन के प्राथमिकता दे के निर्देश दे हावयं। संग ही सबोच मानस मंडली के प्रस्तुति दे बर 20 मिनट के समय करार करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।