 |
| त्रि-स्तरीय पंचायत उप निर्वाचन घोसित |
अंजोर.रायपुर। छत्तीसगढ़ राज्य निर्वाचन आयोग डहर ले प्रदेस के आने-आने जिला म त्रि-स्तरीय पंचायत मन के खाली पद के पूर्ति के खातिर उप निर्वाचन बर कार्यक्रम जारी करे गे हावय। जेकर मुताबिक 16 दिसम्बर ले नामांकन भरे जाही। छत्तीसगढ़ राज्य निर्वाचन आयोग ले मिले जानकारी के मुताबिक राज्य म एक जिला पंचायत सदस्य, 10 जनपद पंचायत सदस्य, 127 सरपंच अउ 597 पंच ए रकम ले कुल 735 खाली पद म निर्वाचन के खातिर निर्वाचक नामावली तैयार-पुनरीक्षण के पाछु 06 दिसम्बर के आखरी प्रकाशन करके ये क्षेत्र म उप निर्वाचन कराये के फइसला लिस हावय। जेकर खातिर कार्यक्रम जारी कर दे हावय। त्रि-स्तरीय पंचायत मन के निर्वाचन गैर दलीय आधार म होही। मतदान मतपत्र डहर ले राज्य निर्वाचन आयोग के मतपेटी ले कराइन जाही। निर्वाचन के घोसना के संग ही परिणाम के घोसना तक अइसे निर्वाचन क्षेत्र म जिहां निर्वाचन संपन्न होना हावय, आदर्श आचरण संहिता लागू रइही।
छत्तीसगढ़ राज्य निर्वाचन आयोग डहर ले त्रिस्तरीय पंचायत उप निर्वाचन 2022 बर पंचायत निर्वाचन नियम 1995 के नियम 28 के मुताबिक समयबद्ध कार्यक्रम जारी करे गिस। जेकर मुताबिक निर्वाचन के सूचना के प्रकाशन 16 दिसम्बर बिहनिया 10:30 बजे होही अउ इही समय सें नामनिर्देशन पाती मिले करे के सुरू करे जाही। ठऊर मन के आरक्षण के संबंध म सूचना के प्रकाशन अउ मतदान केन्द्र के सूची के प्रकाशन 16 दिसम्बर बिहनिया 10.30 बजे होही। नामनिर्देशन पाती के आखरी तिथि 23 दिसम्बर मंझनिया 3:00 बजे तक करार करे गे हावय। नामनिर्देशन पाती के संवीक्षा 24 दिसम्बर बिहनिया 10ः30 बजे ले करिन जाही। अभ्यर्थिता ले नाम वापस ले के आखरी तिथि 26 दिसम्बर मंझनिया 3:00 बजे तक हावय। निर्वाचन लड़इया आवेदन करइया सूची तइयार करके निर्वाचन चिन्हारी के आबंटन 26 दिसम्बर मंझन 3:00 बजे के बाद करे जाही। निर्वाचन लड़इया आवेदन करइया के सूची के प्रकाशन 26 दिसम्बर के चिन्हारी आबंटन के तुरते बाद करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।