आंगनबाड़ी केन्द्र म भरती बर आवेदन... देखव पद खाली कहां हावय

अंजोर.दंतेवाड़ा। एकीकृत बाल विकास परियोजना दन्तेवाड़ा अतंर्गत गांव मोलसनार बड़ेपारा म 01 आंगनबाड़ी कार्यकर्ता अउ मसेनार बुरूमपारा, बड़े कमेली मुंचापारा, दुगेली घसियापारा, दुगेली इमलीपारा, दुगेली माड़ाकापारा, दुगेली, मंझारपारा, गंजेनार घुमकापारा, गंजेनार खालेपारा, धुरली स्कूलपारा, कुहचेपाल, मसेनार खालेपारा-2 म 11 सहायिका पद खाली हावय। ये पद म विभागीय नियम के मुताबिक नियुक्ति करे जाना हावय। ए बर संबंधित गांव ले इच्छुक सबो आवेदनकर्ता ले 09 दिसंबर ले 29 दिसम्बर 2022 तक कार्यालयीन समय 10 बजे ले संझा 5.30 बजे कार्यालय म सोज या डाक डहर ले आवेदन निश्चित प्रारूप म आमंत्रित करे हावयं। कोनो तको रकम के अकताहा जानकारी/आवेदन पाती के प्रारूप पाये बर सबो इच्छुक आवेदनकर्ता कार्यालयीन दिन म कार्यालयीन समय म कार्यालय, एकीकृत बाल विकास परियोजना दन्तेवाड़ा महिला अउ बाल विकास विभाग म संपर्क कर सकत हावयं।