देशी कट्टा के संग दू आरोपी गिरफ्तार

अंजोर.गरियाबंद। जिला गरियाबंद म पदस्थ वरिष्ठ पुलिस अधीक्षक अमित तुकाराम कांबले डहर ले जिला के थाना प्रभारी के अवैध जुआ, सट्टा, आबकारी, गांजा तस्कर अउ अवैध हथियार रखे वाला के विरुद्ध कड़ा ले कडी अउ बड़का कार्यवाही करे जाये निर्देश दे हावय। जेकर बड़का प्रभाव थाना छुरा म देखे ल मिले  हावय।

मिले आरो के मुताबिक गांव पीपरहट्ठा कोति ले एक काले रंग के मोटर सायकल पल्सर क्रमांक सीजी 04 एनबी 1619 म 02 मनखे देशी कट्टा लेके छुरा के कोति आये के सूचना ल गंभीरता के मुताबिक जिला गरियाबंद के पुलिस कप्तान वरिष्ठ पुलिस अधीक्षक अमित तुकाराम कांबले के दिशा-निर्देशन, अकताहा पुलिस अधीक्षक चंद्रेश सिंह ठाकुर के मार्गदर्शन म अउ अनुविभागीय अधिकारी पुलिस पुष्पेन्द्र नायक के पर्यवेक्षण म थाना छुरा अउ गरियाबंद के स्पेशल टीम डहर ले मुखबिर सूचना के तस्दीक कार्यवाही बखत कोसमबुडा तिराहा चौक के पास घेराबंदी करे गिस।

कुछ ही समय म मुखबिर के बताये मुताबिक मोटर सायकल पल्सर क्रमांक सीजी 04 एनवी 1619 म सवार दू मनखे चौक के कोति आये जेला पुलिस टीम डहर ले रोके के प्रयास करे म पुलिस के देखके भागने लगे जेला पहिली नियोजित मुस्तैद पुलिस टीम डहर ले घेराबंदी करके पकड़ागे। जेला मउका म पूछताछ करे म अपन अपना नाम वसीम खान अउ अहमद कुरैशी बताये। जेकर विधिवत् तलाशी लिये जाये म वसीम खान के कब्जा ले एक नग लोहे के बना देशी कट्टा अउ अहमद कुरैशी के कब्जा ले एक नग मोटर सायकल पल्सर के गवाहों के तीर जप्त करे गिस। आरोपी के कृत्य 25 आर्म्स एक्ट 34 भादवि० के पाये जाये ले अउ मामला अजमानतीय होए ले थाना छुरा म अपराध क्रमांक 190 / 2022 पंजीबद्ध करके आरोपी मन के दिनांक 21.12.2022 के विधिवत् गिरफ्तार करके न्यायिक अभिरक्षा म जेल भेजे जात हावय।