सिक्किम सड़क दुर्घटना म सेना के 16 जवान शहीद, मुख्यमंत्री भूपेश बघेल गहरा दुःख व्यक्त करिन

सिक्किम सड़क दुर्घटना म सेना के 16 जवान शहीद

अंजोर.रायपुर। सिक्किम म सेना के वाहन के दुर्घटनाग्रस्त होए ले 16 वीर सैनिक के शहादत म गहरा दुःख व्यक्त करिन मुख्यमंत्री भूपेश बघेल। ओमन शहीद सैनिक के शोक संतप्त परिवार वाला के प्रति संवेदना व्यक्त करत किहिन के ईश्वर वीर शहीद के आत्मा के शांति अउ उंकर परिवार वाला ल हिम्मत देवय। हम सबो देशवासी ए दुखद घड़ी म उंकर परिवार के संग हावन।

सिक्किम म का होइस पढ़व-

सिक्किम म सुकवार के एक सड़क दुर्घटना म सेना के 16 जवान शहीद होगे अउ घटना म चार जवान घायल हावयं। ये दुर्घटना राज्य के राजधानी गंगटोक ले लगभग 130 किलोमीटर के दूर लाचेन ले लगभग 15 किलोमीटर दूरिहा बिहनिया करीब 8 बजे होइस। मिले आरो के मुताबिक घायल मनला उत्तरी बंगाल के एक सैन्य अस्पताल म हवाई रद्दा ले लेगे हावय।