संजीव तिवारी लिखित ’विधान पुरूष’ स्व. घनश्याम सिंह गुप्त के व्यक्तित्व अउ कृतित्व के विमोचन करिस मुख्यमंत्री भूपेश बघेल

अंजोर
0

संजीव तिवारी लिखित ’विधान पुरूष’ स्व. घनश्याम सिंह गुप्त के व्यक्तित्व अउ कृतित्व के विमोचन करिस मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल अपन निवास कार्यालय म स्वतंत्रता संग्राम सेनानी अउ संविधान बनाये सभा के हिन्दी ड्रॉफ्ट कमेटी के अध्यक्ष स्वर्गीय घनश्याम सिंह गुप्त के जयंती समारोह म सामिल होइस। ए मउका म ओमन समारोह के सम्बोधित करत किहिन के स्वर्गीय घनश्याम सिंह गुप्त महान स्वतंत्रता संग्राम सेनानी रिहिस। देश के आजादी अउ देश ल बनाये म अउ संविधान बनाये म उंकर बहुमूल्य योगदान रिहिस। अइसे महापुरूष के सुरता म जयंती समारोह के आयोजन एक सराहनीय पहल हावय।

मुख्यमंत्री बघेल ह घनश्याम सिंह गुप्त सुरता आयोजन समिति डहर ले छत्तीसगढ़ विधानसभा म उंकर तैल चित्र लगाये के मांग के समर्थन करत किहिन के वो येकर खातिर विधानसभा अध्यक्ष डॉ. चरणदास महंत ले ए संबंध म गेलौली करही। ओमन किहिन के नवा रायपुर के एक चौक के नामकरण स्वर्गीय घनश्याम सिंह गुप्त के नाम म करे जाही अउ उहां उंकर प्रतिमा तको स्थापित के जाही। मुख्यमंत्री ह किहिन के दुर्ग निवासी स्वर्गीय घनश्याम सिंह गुप्त सीपीएंड बरार प्रांत के विधानसभा के पहिली अध्यक्ष तको रिहिन। 

ये मउका म मुख्यमंत्री ह समारोह म स्वर्गीय घनश्याम सिंह गुप्त के व्यक्तित्व अउ कृतित्व म प्रकाशित पुस्तक ’विधान पुरूष’ के विमोचन तको करिन। ए पुस्तक के लेखक संजीव तिवारी जी हावयं। मुख्यमंत्री बघेल ह पुस्तक के लेखक तिवारी ल बधाई होइस किहिन के ओमन हमर पुरखा के सुरता करके उंकर स्मृति ल संजोये के सराहनीय प्रयास करिन हावय। मुख्यमंत्री ह संजीव तिवारी के आयोजक के तनि ले सम्मानित करत ओला उज्जवल भविष्य के खातिर सुभकामना दीस।

संजीव तिवारी लिखित ’विधान पुरूष’ स्व. घनश्याम सिंह गुप्त के व्यक्तित्व अउ कृतित्व के विमोचन करिस मुख्यमंत्री भूपेश बघेल


ये मउका म पहिली विधायक श्रीमती प्रतिमा चंद्राकर, जिला पंचायत दुर्ग के अध्यक्ष श्रीमती शालिनी यादव, घनश्याम सिंह गुप्त सुरता आयोजन समिति के अध्यक्ष शंकर लाल ताम्रकार ह स्वागत भाषण दीस। कार्यक्रम म आयोजन समिति के उपाध्यक्ष अउ नगर पालिका निगम दुर्ग के सभापति राजेश यादव, पहिली पार्षद डॉ.राघवेन्द्र सिंह गुप्ता, सचिव अशोक अग्रवाल, कोषाध्यक्ष कमल नारायण रूंगटा, दुर्ग के पहिली महापौर आर.एन.वर्मा सहित अश्वनी साहू, अखिलेश यादव, स्वर्गीय घनश्याम सिंह गुप्त के परिवार के सदस्य अउ नागरिक उपस्थित रिहिस।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !