अंजोर.दुर्ग। आंगनबाड़ी म सहायिका अउ कार्यकर्ता के नियुक्ति बर बाल विकास परियोजना ले शहरी क्षेत्र म 13 आ.बा. कार्यकर्ता अउ 21 आ.बा सहायिका के नियुक्ति करे जाना हावय। नियुक्ति बर आवेदन 26 दिसंबर 2022 ले 9 जनवरी 2030 तक बाल विकास परियोजना कार्यालय दुर्ग म पांच बिल्डिंग, बाल संरक्षण गृह परिसर, महिला अउ बाल विकास, दुर्ग म सोज या पंजीकृत डाक के माध्यम ले कार्यालय समय 11:00 ले 5:00 बजे तक जमा करके सकत हावय। आवेदिका के उमर 18 ले 44 साल के बीच अउ सेवा के अधिकतम उमर 62 साल होही अउ वार्ड के स्थाई निवासी होना चाही। अर्हता रखइया इच्छुक आवेदन करइया पद बर आवेदन कर सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।