अंजोर.रायगढ़। एसपी अभिषेक मीना के दिशा-निर्देश अउ एडिशनल एसपी संजय महादेवा अउ एसडीओपी धरमजयगढ़ दीपक मिश्रा के मार्गदर्शन म तमनार पुलिस डहर ले गैर-इरादतन हत्या के दू फरार आरोपी मन के गिरफ्तार करके न्यायिक रिमांड म भेजे गे हावय। आरोपी मन डहर ले जंगली सुअर शिकार करे बर जंगल के डेढ़ किमी क्षेत्र म जीआई तार ले करंट प्रवाहित करके रखे रिहिस जेमा एक ग्रामीण के फंसके मउत होगे रिहिस।
जानकारी के मुताबिक रिपोर्टकर्ता चित्रसेन साहू (35 साल) निवासी पड़िगांव थाना तमनार म उंकर पिता हरिशंकर साहू के आकस्मिक मउत के संबंध म रिपोर्ट दर्ज कराइन के 31 अक्टूबर के रतिहा करीब 8:30 बजे पिता के संग अपन खेत म लगे धान फसल के जंगली सुअर ले रखवाली करे बर खेत जात रिहिस। पिता आगे-आगे चल रिहिन जेकर गोड़ विधुत प्रवाहित खुले जी.आई. तार के चपेट म आने ले उहें बेहोश होके गिरगे। चित्रसेन साहू अपन मां के घटना के संबंध म सूचना दे उंकर मां गांव के लोगन के मदद ले खेत के पास बेहोश पड़े हरिशंकर साहू के तमनार सरकारी अस्पताल लेके गे, जिहां डॉक्टर ओला विद्युत करंट ले मउत होना बताइन।
घटना के संबंध म थाना तमनार म मर्ग कायम करके जांच म लिस। जांच म पाये गिस के आरोपी जयराम सिदार अउ घरघोड़िया उर्फ राजू सिदार जंगली जानवर (सुअर) के शिकार करे के खातिर मनोज पटेल के खेत म 1100 केवी के विद्युत प्रवाहित तार ले लोहे के पतले तार के जोड़के लगभग डेढ़ किलोमीटर के दूरी तक पहाड़ के खल्हे खेत के आसपास लकड़ी के दो-ढाई इंच खुंटा गाड़ करके झाड़ी म लायलोन के प्लास्टिक रस्सी के सहारा लेके लोहा के पतला तक फैला करके विधुत प्रवाहित करे गिस रिहिस, वो लोगन भली-भांति जानत रिहिस के ए रकम ले विद्युत चोरी करके असुरक्षित तरीका ले तार फैला करके रखे हावयं जेमा कोनो तको जानवर या इंसान तार के संपर्क म आने ले उंकर मउत हो सकत हावय आरोपी मन के कृत्य ले हरिशंकर साहू के मउत हो गे, आरोपी मन के विरुद्ध मर्ग जांच म थाना प्रभारी तमनार डहर ले धारा 304, 34 आईपीसी 135 विद्युत अधिनियम के अपराध पंजीबद्ध करे गिस।
घटना के बाद ले दुनों आरोपी गांव ले फरार रिहिस, थाना प्रभारी तमनार उपनिरीक्षक जीपी बंजारे डहर ले दुनों आरोपी मन के गिरफ्तारी बर मुखबिर लगाके रखे गे रिहिस जेकर डहर ले आज दुनों के गांव आसपास देखे जाये के सूचना म दुनों आरोपी मन के हिरासत म लिस गे जेकर कब्जा ले जी.आई. तार, 25 नग खुंटे उक सामान जप्त करके दुनों आरोपी – (1) जयराम सिदार पिता स्वर्गीय नंदराम सिदार उमर 60 साल निवासी जोबरो थाना तमनार (2) घरघोड़िया उर्फ राजू सिदार पिता घसियाराम सिदार उमर 36 साल निवासी गांव घरघोड़ी थाना घरघोड़ा हाल मुकाम गौरबहरी थाना तमनार के गैर इरादतन हत्या (304 IPC) के मामला म गिरफ्तार करके न्यायिक रिमांड म भेजे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।