अंजोर.बालोद। महिला अउ नाबालिक लइका मन म होवइया अपराध म अंकुश लगाये बर थाना डौंडी म पंजीबद्ध अपराध के गंभीरता ल देखत तुरते कार्यवाही बर श्रीमान पुलिस अधीक्षक महोदय बालोद जितेन्द्र कुमार यादव के निर्देशन म अकताहा पुलिस अधीक्षक बालोद हरीश राठौर जिला बालोद अउ अनुविभागीय अधिकारी पुलिस बोनीफास एक्का के मार्गदर्शन म थाना प्रभारी डौण्डी उपनिरीक्षक कैलाशचंद मरई के अगुवई म थाना स्तर म एक बिसेस टीम तइयार करे गिस।
मिले आरो के मुताबिक थाना डौण्डी म प्रार्थीया के रिपोर्ट म उंकर नाबालिक 07 साल के लइका के संग आरोपी राहुल कुमार मौर्य पिता- बेनुराम उमर 19 साल साकिन अवारी केंवटपारा थाना डौंडी जिला बालोद डहर ले फटाका दे के लालच देके अपन घर ले जाके लइका के संग दुराचार करे के थाना डौंडी म लिखित रिपोर्ट करे म तुरते अपराध क्रमांक 208/2022 धारा 363,376 AB भादवि 4, 5(m) पाक्सो. एक्ट कायम करके तुरते कार्यवाही करत आरोपी ल अभिरक्षा म लेके पूछताछ करे म आरोपी डहर ले नाबालिक लइका के संग अपराध करे जुर्म स्वीकार करे म गिरप्तार करके माननीय बिसेस सत्र न्यायाधीश (पाक्सो एक्ट) जिला बालोद के तीर पेश करके ज्युडिशियल रिमांड म जेल भेजे गिस।
प्रकरण के विवेचना अउ आरोपी के पतासाजी म थाना प्रभारी डौण्डी उप निरीक्षक कैलाशचंद्र मरई, सउनि डी.एल. रावटे, प्र.आर. ज्ञानेश चंदेल, विष्णु तारम, आर. आर. युगल किशोर लोहले, आर. पवन कुमार मेश्राम, आर. खिलावन सिन्हा, म. आर. माधुरी लाटिया के सराहनीय भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।