अंजोर.महासमुंद। पुलिस अधीक्षक भोजराम पटेल डहर ले जिला के सबो थाना प्रभारी/चौकी प्रभारी अउ सायबर सेल के टीम के संदिग्ध गतिविधी म नजर रख करके जरूरी कार्यवाही करे बर निर्देशित करे गिस रिहिस। जेकर तहत जिला के सीमावर्ती थाना क्षेत्र म थाना/चौकी प्रभारी अउ सायबर सेल के टीम डहर ले सरलग संदिग्ध मनखे मन अउ गाड़ी के सघन चेकिंग अउ तलाशी लिस। सिंघोडा थाना क्षेत्र के अन्तर्राजीय चेक पोस्ट रेहटीखोल के तिर पुलिस पार्टी डहर ले संदिग्ध वाहन के चेकिंग करे जात रिहिस तभे ओडिसा के कोति ले एक टोयटा इंटोस कार क्रमांक MP 07 CG 5090 तेज रफ्तार ले आत रिहिस। जेला चेक पोस्ट के पास रोके गिस, वाहन म तीन मनखे बइठे मिलिस। वाहन चालक संजय कुमार माहोर पिता हजारी माहोर उमर 42 साल सा. वार्ड नं. 09 प्रेम विहार दयालबाग आगरा थाना न्यू आगरा जिला आगरा अउ ड्राईवर के बगल म राजकिशोर शर्मा पिता बनवारी लाल शर्मा उमर 48 साल सा. आलमचंद बाजार पोस्ट चांदनी चौक थाना लालबाग जिला कटक उड़िसा अउ वाहन के पाछु सीट म लक्ष्मण प्रसाद अग्रवाल पिता हजारी लाल अग्रवाल उमर 52 साल सा. व्ही 451 दास यमुना कॉलोनी फेस 01 आगरा थाना एतमतदौला जिला आगरा उ0प्र0 बइठे मिलिस।
जेकर ले पूछताछ करे म गोलमोल जवाब दे लगगे, संदिग्ध के जवाब संतोषप्रद नइ पाये जाये म पुलिस टीम डहर ले वाहन के तलाशी लिस त वाहन के सीट म बने बिसेस चेम्बर दिखिस। ये चेम्बर खोलके देखे म उंकर अंदर दू जूट के बोरी म चांदी के ईटा रखे मिलिस। टीम डहर ले दोनो जूट के बोरी वाहन के निकाल करके चेक करे म एक बोरी म 23 नग आने-आने साईज के चांदी के ईटा मिलिय अउ दूसर जूट बोरी म 11 नग आने-आने साईज के चांदी के ईटा मिलिस। वाहन म रखे चांदी के ईट संबंध म वाहन चालक संजय कुमार माहोर वाहन म बइठे राजकिशोर शर्मा अउ लक्ष्मण प्रसाद अग्रवाल ले पूछताछ करके वैधानिक दस्तावेज पेश करे बर धारा 91 जॉ0फौ0 के नोटिस दे गिस। जेमा संदिग्ध डहर ले कोनो तको वैधानिक दस्तावेज नइ होना बताइन।
टीम डहर ले वाहन म रखे आने-आने साईज के कुल 34 नग चांदी के ईटा कुल वजनी 62 किलो 280 गांव किमती 31,14,000 रूपिया नगदी 70000 रूपियां अउ टोयटा इंटोस कार क्रमांक MP 07 CG 5090 कीमती 5,00,000 कुल जुमला किमती 36,84,000 रूपिया ल जप्त आरोपी मन के विरूद्ध थाना सिंघोडा म धारा 41(1+4) जॉ0फौ0 379 भादवि0 के तहत गिरफ्तर न्यायिक अभिरक्षा भेजे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।