 |
| जय शीतला मईया |
सिनेमा। कलांकन फिल्म अउ रियल इंटरटेनमेंट के बैनर तले बने महान धार्मिक छत्तीसगढ़ी फिल्म जय शीतला मईया के शूटिंग पूरा होगे हावय। डॉ. पुनित सोनकर के निर्देशन म बने ये फिल्म के निर्माता हावय लिलेश्वर सिन्हा अउ मीनाक्षी शुक्ला। मिले आरो के मुताबिक फिल्म म लिलेश्वर सिन्हा, सोनाली सहारे, संध्या मानिक, संजय मैथिल, अनुराधा दुबे, जागेश्वरी मेश्राम, प्रदीप शर्मा, उर्वशी साहू अउ घनश्याम वर्मा आदि के अहम भूमिका हाबे।
छत्तीसगढ़ी फिल्म के पसंद करइया मन बर ये नवा धार्मिक फिल्म के अगोरा हावय, काबर के जय मां बम्लेश्व़री अउ जय महामाया के बाद जय शीतला मईया ह लोगन ल देव धामी ने जोड़ही। जय शीतला मईया म लोगन के गजब आस्था हावय काबर के ये गांव के कुलदेवी आए, माता ह सबो परकार ले गांव वाले मनके रक्षा करथे। फिल्म के आधिकारिक पोस्टर तो रिलीज होगे हावय, अब प्रदर्शन के तारीख के अगोरा हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।