राष्ट्रीय आदिवासी स्काउट गाइड महोत्सव खातिर दल ल रवाना करिस कलेक्टर दीपक सोनी

अंजोर.कोण्डागांव। कलेक्टर दीपक सोनी डहर ले सुकमा म 8 ले 12 नवम्बर तक होवइया राष्ट्रीय आदिवासी स्काउट अउ गाइड महोत्सव शिविर म भाग ले खातिर भाग लेवइया मनला प्रोत्साहित करके मंगलमय शुभकामना के संग हरी झंडी देखाके शिविर बर रवाना करे गिस। ए शिविर म विविध प्रतियोगिता के आयोजन करे जाही। जेमा मुख्य रूप ले ड्रील, राज्य प्रदर्शनी, फूड-प्लाजा, आज़ादी के अमृत महोत्सव के रूप म मनात आज़ादी के स्वतंत्रता सेनानी के रूप म फैंसी ड्रेस, सामुहिक परिचर्चा, पारंपरिक लोक गीत, लोकनृत्य, हाईक उकका आयोजन करे जाही।

ए मउका म जिला शिक्षा अधिकारी कोण्डागांव अशोक कुमार पटेल, जिला सचिव चमन लाल सोरी, जिला समिलहा सचिव शशिकला ठाकुर, जिला प्रशिक्षण आयुक्त गाइड नीलम श्रीवास्तव, जिला संगठन आयुक्त स्काउट भीषभ देव साहू उपस्थित रिहिन। येकर अकताहा भारत स्काउट्स अउ गाइड्स के 73 वें स्थापना दिवस के मउका म कलेक्टर के भारत स्काउट्स अउ गाइड्स फ्लैग स्टीकर लगाके मनाये गिस। ए मउका म जिला मुख्यायुक्त बंगाराम सोढ़ी, जिला सचिव चमन लाल सोरी, जिला संगठन आयुक्त स्काउट भीषभ देव साहू, रोवर मुकेश पाण्डेय उपस्थित रिहिन।