अंजोर.रायगढ़। एसपी अभिषेक मीना के जुआ, सट्टा, अवैध दारू म प्रतिबंध लगाए जाये के दिशा निर्देश म थाना प्रभारी कोतवाली निरीक्षक शनिप रात्रे डहर ले एडिशनल एसपी संजय महादेवा अउ सीएसपी रायगढ़ अभिनव उपाध्याय के मार्गदर्शन अपन अधीनस्थ विवेचक अउ स्टाफ के मुखबिर लगाके कार्यवाही के निर्देश दे हावय।
इही क्रम म मंझनिया कोतवाली पुलिस डहर ले मुखबीर सूचना म रामनिवास टॉकीज के पास दू मनखे मन के एक्टिवा स्कूटी म प्रतिबंधित नशीली कफ सिरप वनरीक्स परिवहन करत पकड़ा गे हावय पुलिस के मुखबिर ले सूचना मिले रिहिस के दू मनखे एक्टिवा स्कूटी म कफ सिरप के अवैध रूप ले खपाये रायगढ़ रामनिवास टॉकीज के तनि जात रिहिन हावयं सूचना म कोतवाली पुलिस डहर ले दबिश देके होंडा एक्टिवा क्रमांक सीजी 13 ए.एल. 0597 म आयुष कुमार छड़ीमली अउ इरफान खान पकड़ा गे जेकर कब्जा ले 112 नग ONEREEX कफ सिरप कीमती 18540 रूपिया के जप्त करे गे हावय। जप्त कफ सिरप के संबंध म दुनों युवक कोनो रकम ले के कागजात होना नइ बताइन। आरोपी मन म थाना कोतवाली म धारा 22 एनडीपीएस एक्ट के तहत कार्यवाही करे जात हावय। रेड कार्यवाही म थाना प्रभारी कोतवाली निरीक्षक शनिप रात्रे, उपनिरीक्षक आर. एस. तिवारी, प्रधान आरक्षक श्रीराम साहू, आरक्षक उत्तम सारथी, पुष्पेंद्र जाटवर के प्रमुख भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।