बालिका ले छेड़खानी करइया गिरफ्तार, पोक्सो एक्ट के धारा म भेजिस रिमांड म

अंजोर.रायगढ़। कोतवाली टीआई निरीक्षक शनिप रात्रे के अगुवई म कोतवाली पुलिस डहर ले जूटमिल देवारपारा के अमन सोनकर उर्फ गौरव उमर 23 साल के नोनी ले छेड़खानी मामला म गिरफ्तार करके न्यायिक रिमांड म भेजे गे हावय। आरोपी अमन सोनकर करीब 4 महीना ले गिरफ्तारी के भय ले क्षेत्र ले फरार रिहिस जेला आज जूटमिल क्षेत्र म देखे जाये के सूचना म कोतवाली पुलिस डहर ले छापेमारी करके पकड़े गिस।

घटना के संबंध म पीड़ित नोनी थाना कोतवाली म अपन घर वाला के संग आके लिखित आवेदन देके रिपोर्ट दर्ज कराये रिहिस। पीड़ित नोनी महिला पुलिस अधिकारी ल दिये अपन बयान म बताईन के अमन सोनकर अक्सर ओकर पीछा करत रिहिस, स्कूल के पास अपन सहेली के संग खड़े रिहिस। उही समय अमन पास आके जबरदस्ती बात करे के खातिर मोबाइल दे रिहिस जेला मना करे म हाथ बांह पकड़के खींचे लगे जेकर विरोध करके सहेली के संग आके क्लास टीचर अउ घर म अपन घर वाला ल बताईस। फरार आरोपी अमन सोनकर उर्फ गौरव सोनकर उमर 23 साल निवासी देवारपारा तेंदुडिपा के कोतवाली पुलिस डहर ले छेड़खानी अउ पोक्सो एक्ट के धारा म गिरफ्तार करके बिसेस न्यायालय रायगढ़ म रिमांड म पेश भेजे गे हावय।