अंजोर.गरियाबंद। नोनी के ददा ह थाना म बताइन के ओकर नाबालिक बेटी घर ले शौच जाये के ओखी निकले रिहिस, जेकर घर वापस नइ आये म पहिली दृष्टया कोनो अज्ञात आरोपी डहर ले नाबालिक के भगाके ले जाये के संदेह व्यक्त करे म अज्ञात आरोपी के विरूद्ध अपराध क्रमांक 124 / 2022 धारा 363 भादवि पंजीबद्ध करके विवेचना म लिस।
मामला के गंभीरता ल देखत वरिष्ठ पुलिस अधीक्षक अमित तुकाराम काम्बले, अकताहा पुलिस अधीक्षक चंद्रेश सिंह ठाकुर के निर्देशन म अउ अनुविभागीय अधिकारी पुलिस मैनपुर अनुज कुमार के पर्यवेक्षण म थाना प्रभारी देवभोग डहर ले टीम गठित करे गिस जेन विवेचना के बखत मुखबीर ले सूचना मिले अउ सायबर सेल के मदद ले मोबाइल लोकेशन के आधार म लड़की-लड़का दुनों ल गांव अवली उडिसा म निवास के सूचना म थाना देवभोग के प्र०आर० 293 ललित साहू म०प्र०आर० 517 निलकुसुम खलखो के पता तलाश बर गांव अवली थाना कोसागुमुडा जिला नवरंगपुर उडिसा रवाना करे गिस। जिहा आरोपी डहर ले अपहृता के थाना कोकसरा जिला कालाहाण्डी उडिसा म अपन कब्जा म रखे रिहिस। बिहाव करहू कहिके बहला फुसलाके शारिरीक दुष्कर्म करिन।
पीड़िता के कथन के आधार म प्रकरण म धारा 366,376 (2) भादवि., 6 पॉक्सो एक्ट जोड़े गिस। आरोपी के विरूद्ध पर्याप्त साक्ष्य पाए करे करके विधिवत गिरफ्तार करके जेल भेजे गिस। ये कारवाही म थाना प्रभारी निरीक्षक बोधन साहू, सहायक उपनिरीक्षक छबिलाल टाडेकर, प्रधान आरक्षक ललित साहू, नीलकुसुम खलखो अउ आन कर्मचारी मन अउ सायबर सेल गरियाबंद के सराहनीय भूमिका रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।