अंजोर.जांजगीर। महावीर साहू निवासी हरदी महामाया ह थाना बलौदा म रिपोर्ट दर्ज कराइन के रतिहा महामाया हनुमान मंदिर परिसर अंदर घुसके ताला तोड़के विजेन्द्र दास वैष्णव अउ समनिहोर यादव निवासी बोडसरा मंदिर अंदर रखे तांबा के लोटा, थाली, घंटी अउ कटोरी चोरी करके ले गे।
प्रार्थी के रिपोर्ट म आरोपी मन के विरुद्ध थाना बलौदा म अपराध क्रमांक 454 / 22 धारा 457,380,34 भादवि कायम करके विवेचना म लिस। आरोपी मन ल गिरफ्तार करके पुलिस हिरासत म लेके पूछताछ करे म आरोपी बिजेन्द्र दास वैष्णव डहर ले अपन संगी रामनिहोर यादव के संग मिलके हरदी महामाया के नहर किनारे हनुमान मंदिर अंदर घूसके ताला तोड़ करके मंदिर अंदर रखे ताबा के लोटा, थाली, घंटी अउ कटोरी के चोरी करना स्वीकार करिस। आरोपी मन के कब्जा ले ताला तोड़े म उपयोग करे गे औजार के बरामद करे गिस। चोरी के आरोपी बिजेंद्र दास वैष्णव अउ रामनिहोर यादव ल न्यायिक रिमांड म भेजे गिस।
आरोपी मन ल गिरफ्तार करे अउ विवेचना कार्यवाही म उप निरीक्षक गोपाल सतपथी, सउनि कृष्णपाल कंवर, प्र.आर. केदार साहू, आर श्याम राठौर, मो. शहबाज, लखेश विश्वकर्मा, देव मरकाम, सत्यप्रकाश भारद्वाज, योगेश यादव अउ करूणा खैरवार के बिसेस योगदान रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।