खेत ले पैरा सकेले बर बेलर मशीन के बढि़या उपयोग |
अंजोर.नारायणपुर। कृषि अभियांत्रिकी कांकेर ले उपलब्ध बेलर मशीन डहर ले नारायणपुर जिला के गांव देवगाव म किसान मनके खेत म हार्वेस्टर मशीन ले धान कटाई बाद पराली के पैरा बेल बनाके जिला के गउठान गांव देवगांव, नेलवाड, छिनारी, भाटपाल, रंगाव गराजी नेतानार अउ एडका म पशु मन के चारा बर भण्डारण गउठान समिति डहर ले करिन जाही। बेलर मशीन ले पैरा बंडल बर गांव देवगांव के किसानश्री महेश राम देवांगन, गणेशराम देवांगन, काण्डेराम करंगा, राम कृष्ण मिशन आश्रम नारायणपुर कृषि प्रक्षेत्र केरलापाल कृषि विज्ञान केन्द्र केरलापाल डहर ले पैरादान करे जात हावय, बेलर मशीन पैरा बंडल बनाये बर प्रदर्शन बीते 28 नवम्बर ले सुरू करे गे हावय। ए बखत कुल 721 बण्डल पैराबेल बनाये गे। सबोच बंडल के वजन लगभग 20 किलोग्राम हावय, मशीन डहर ले पैरा बंडल बनाये के प्रदर्शन शतत जारी हावयं। जिला म लगभग 2000 पैरा बण्डल बेलर मशीन डहर ले तइयार करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।