नौकरी नौकरी : लाईवलीहुड कॉलेज म 1-2 दिसम्बर के कौशल प्रशिक्षण काउंसलिंग... पढ़व अंजोर छत्तीसगढ़ी समाचार म पूरा खबर

अंजोर.नारायणपुर। लाईवलीहुड कॉलेज म फोकट म आवासीय प्रशिक्षण सुरू करे जात हावय, जेमा इलेक्ट्रिीशियन, वेल्डर, प्लम्बर, अउ सोलर म प्रशिक्षण दे जाही। ए बर एक अउ 2 दिसम्बर के लाईवलीहुड कॉलेज, एजुकेशन हब, गरांजी म काउंसलिंग आयोजित करे गे हावय। इच्छुक आवेदन करइया अपन दस्तावेज (दो फोटोग्राफ, आधार कार्ड, बैंक पासबुक, योग्यता परमान पत्र, जाति अउ निवास परमान पाती के फोटोकॉपी) के संग 10 बजे उपस्थित होवें। अइसे आवेदन करइया जेन मन  पहिली म आवेदन कर चुके हावय, वो ह तको उपस्थित होवय, ताकि पाठ्यक्रम संबंधी जानकारी दे जा सकें। मुख्यमंत्री कौशल विकास योजनांतर्गत प्रशिक्षण संचालित करे जाही, प्रशिक्षण बाद परीक्षा आयोजित करे जाही अउ रोजगार अउ स्वरोजगार ले जोड़े जाही। ए संबंध म जादा जानकारी बर दस्तावेज के संग लाईवलीहुड कॉलेज, एजुकेशन हब, गरांजी, (शासकीय पॉलीटेक्निक नारायणपुर के बाजू में) नारायणपुर म उपस्थित होके पा सकत हावय।