 |
| राज्य स्तरीय रामायण मंडली प्रतियोगिता |
अंजोर.रायपुर। राज्य स्तरीय रामायण मंडली प्रतियोगिता के आयोजन ए साल गरियाबंद जिला ले राजिम म 16 ले 18 फरवरी 2023 तक करे जाही। एमे प्रथम, दूसरइया अउ तीसरा ठऊर म विजेता दल ल 5 लाख रूपए, 3 लाख रूपिया अउ 2 लाख रूपिया के पुरस्कार रकम दे जाही।
ए साल 2022-23 के प्रतियोगिता के पहिली चरण जिला के सबोच पंचायत म 25 नवंबर ले 15 दिसम्बर तक प्रतियोगिता के आयोजन करे जाना हावय। इही रकम ले जनपद पंचायत स्तरीय प्रतियोगिता 5 जनवरी ले 25 जनवरी के बीच अउ जिला स्तरीय प्रतियोगिता 27 जनवरी ले 3 फरवरी तक आयोजित करके जिला स्तरीय विजेता रामायण मंडली के चयन करे जाना हावय।
जानबा होवय के प्रदेस के सांस्कृतिक मानचित्र म रामायण मंडली एक अभिन्न अंग हावय। राज्य शासन डहर ले पाछु साल के रकम ले रामायण मंडली मन के प्रोत्साहित करे बर राज्य स्तरीय प्रतियोगिता के आयोजन करे जाही। पहिली के भांति ये प्रतियोगिता पहिली चरण म गांव पंचायत म जतका भी रामायण मंडली हावय उंकर बीच प्रतियोगिता के माध्यम ले एक विजेता रामायण मंडली के चयन करे जाना होही। तेकर बाद आन चरण म सबोच गांव पंचायत ले चयन करे गे रामायण मंडली मन के बीच जनपद पचांयत स्तरीय प्रतियोगिता आयोजित के जाए अउ सबोच जनपद पंचायत के विजेता रामायण मंडली मन के बीच जिला स्तर म प्रतियोगिता के माध्यम ले जिला स्तरीय विजेता के चयन करे जाना होही। उन सबो जिला स्तरीय विजेता रामायण मंडली मन के बीच राज्य स्तरीय प्रतियोगिता के आयोजन राजिम म 16 ले 18 फरवरी 2023 तक करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।