नक्सली मनके मंसुबा होइस नाकाम, कुकर बम ल सुरक्षा बल करिस नष्ट

अंजोर.नारायणपुर। कैम्प कड़ेमेटा ले कुछ ही दूरी म पल्ली-बारसूर रद्दा ले 100 मीटर अंदर नक्सली मन डहर ले पुलिस पार्टी के नुकसान पहुंचाये के नियत ले लगभग 05 किलो वजनी प्रेशर आईईडी (कुकर बम) प्लांट करे गे रिहिस। जेला कैम्प कड़ेमेटा ले रोड़ सिक्युरिटी ऑपरेशन म निकले जिला बल अउ आईटीबीपी के जवान मन के सर्च के बखत वायर देखिस। प्रेशर आईईडी लगे होए के शंका होए म अपन सूझबूझ अउ सतर्कता ले प्रेशर आईईडी ल सर्च करके येकर सूचना सदानंद कुमार (आईपीएस), पुलिस अधीक्षक, नारायणपुर ल दे गिस। पुलिस अधीक्षक सदानंद कुमार (आईपीएस) ह सूचना म तुरते कार्यवाही करत नारायणपुर पुलिस के बीडीएस टीम ल रवाना करिन। बीडीएस टीम डहर ले घटना जगह पहुंच के सावधानी पूर्वक प्रेशर आईईडी (कुकर बम) ल रिकवर करके नष्ट करिन।