 |
| ‘नशामुक्त धमतरी’ कार्यक्रम |
अंजोर.धमतरी। पुलिस अधीक्षक धमतरी प्रशांत ठाकुर के उपस्थिति म अजीमप्रेमजी फाउंडेशन स्कूल शंकरदाह म "नशा मुक्त धमतरी" के तहत जागरुकता कार्यक्रम आयोजित करे गिस रिहिस। जेमा पढ़ईया लइका के डहर ले नशा के थींम ल लेके बनाये गे पेंटिंग अउ रंगोली के बढ़ई करे गिस। साथ ही सबो पढ़ईया लइका ल नशा नी करे के शपथ दिलाई गिस।
एसपी महोदय प्रशांत ठाकुर ह बिरस्पत के अजीमप्रेमजी स्कूल शंकरदाह के छात्र लइका ल नशामुक्त धमतरी अभियान के बारे म बतात किहिन के आज ले सबो लइका ल अपन परिवार, रिस्तेदार,दोस्त ल इहां अगर दारू के सेवन करत होही त ओला दारू के सेवन ले शरीर म होवइया वाला दुष्प्रभाव के बारे म बताइन, ताकि दारू के सेवन करे छोड़ देवे। अइसे करके आप लोगन भी जागरूक नागरिक होए के परिचय दें सकत हावयं।
सामुदायिक पुलिसिंग अउ नशा उन्मूलन कार्यक्रम ‘नशामुक्त धमतरी’ के अजीमप्रेमजी फाउंडेशन स्कूल शंकरदाह के पढ़ईया लइका ल नशा उन्मूलन के थींम के तहत ड्राईंग, पैंटिंग अउ रंगोली प्रतियोगिता के आयोजन करे गे रिहिस, जेमा प्रथम,दूसरइया, तीसरा आने वाला पढ़इया लइका ल पुलिस अधीक्षक महोदय डहर ले प्रशस्ति पाती अउ गिफ्ट देके पुरस्कृत करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।