छत्तीसगढ़ सरकार के बड़का उपलब्धी : उप स्वास्थ्य केन्द्र स्तर म एनक्यूएएस सर्टिफिकेशन हासिल करइया देश के चौथा राज्य

अंजोर.रायपुर। छत्तीसगढ़ उप स्वास्थ्य केन्द्र स्तर म एनक्यूएएस (National Quality Assurance Standard) सर्टिफिकेशन हासिल करइया देश के चौथा राज्य बनगे हावय। केन्द्रीय स्वास्थ्य अउ परिवार कल्याण मंत्रालय ह दुर्ग जिला के अमलेश्वर अउ रायपुर जिला के निसदा हेल्थ एंड वेलनेस सेंटर उप स्वास्थ्य केन्द्र के निरीक्षण अउ मूल्याकंन के बाद एनक्यूएएस प्रमाण-पत्र जारी करिन हावय। राज्य के 57 सरकारी अस्पताल के अब तक राष्ट्रीय गुणवत्ता आश्वासन मानक प्रमाण-पत्र ले नवाजे जा चुके हावय।

केन्द्रीय स्वास्थ्य अउ परिवार कल्याण मंत्रालय डहर ले सेवा के मूल्यांकन म अमलेश्वर हेल्थ एंड वेलनेस सेंटर उप स्वास्थ्य केंद्र के 94 परतिसत अउ निसदा के 93 परतिसत अंक मिले हावयं। दुनों ही स्वास्थ्य केन्द्र के ए साल जुलाई म केंद्रीय टीम डहर ले मूल्यांकन करे गिस। हेल्थ एंड वेलनेस सेंटर उप स्वास्थ्य केन्द्र के राष्ट्रीय गुणवत्ता आश्वासन मानक सर्टिफिकेशन 12 मानक के आधार म करे जाथे। येकर खातिर संस्था डहर ले सेवा प्रदायगी, मरीज संतुष्टि, क्लिनिकल सर्विसेस, इनपुट, संक्रमण नियंत्रण, सपोर्ट सर्विसेस, गुणवत्तापूर्ण प्रबंध, आउटपुट जइसे मानकों के गुणवत्ता के मूल्यांकन करे जाथे। मूल्यांकन म खरा उतरे वाला अस्पताल के ही केन्द्रीय स्वास्थ्य अउ परिवार कल्याण मंत्रालय डहर ले गुणवत्ता परमान पाती जारी करे जाथे।

प्रदेश के कुल 57 अस्पताल के राष्ट्रीय गुणवत्ता आश्वासन मानक प्रमाण-पत्र

प्रदेश के कुल 57 अस्पताल के राष्ट्रीय गुणवत्ता आश्वासन मानक प्रमाण-पत्र मिल चुके हावय। एमे दस जिला अस्पताल, सात सामुदायिक स्वास्थ्य केंद्र, 26 प्राथमिक स्वास्थ्य केंद्र,12 शहरी प्राथमिक स्वास्थ्य केंद्र अउ दू उप स्वास्थ्य केंद्र सामिल हावयं। राष्ट्रीय गुणवत्ता आश्वासन मानक सर्टिफिकेशन के उद्देश्य अस्पताल के सुविधा के मजबूत करत होइस आम जनता तक गुणवत्तापूर्ण स्वास्थ्य सुविधा पहुंचिस हावय।