 |
| संविधान दिवस : 26 नवम्बर 1949 |
अंजोर.रायपुर। मुख्यमंत्री भूपेश बघेल ह प्रदेसवासी ल 26 नवम्बर संविधान दिवस के बधाई अउ सुभकामना दीस। श्री बघेल ह अपन शुभकामना संदेश म किहिन के 26 नवम्बर 1949 के संविधान सभा ह भारतीय संविधान ल अंगीकृत करे रिहिस। लंबा संघर्ष ले मिले आजादी के बाद विविधता भरे भारत ल एक मजबूत राष्ट्र के रूप म स्थापित करना एक महती जिम्मेदारी रिहिस।
बाबा साहब डॉ. भीमराव अंबेडकर के अगुवई म संविधान निर्माता ह सबो वर्ग के भावना अउ जन अपेक्षा ल संविधान म समाहित करके सशक्त राष्ट्र बनाये के सपना ल बखूबी पूरा करिन हावय। बघेल ह किहिन के हमन ल गर्व हावय के भारतीय संविधान के बनाये म छत्तीसगढ़ के केऊ विभूति ह तको जरूरी भूमिका निभाईस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।