राज्यपाल सुश्री अनुसुईया उइके ले अनुकंपा नियुक्ति शिक्षाकर्मी कल्याण संघ के सदस्य मनके मुलाकात... पढ़व अंजोर छत्तीसगढ़ी समाचार म पूरा खबर

  

राज्यपाल ले अनुकंपा नियुक्ति शिक्षाकर्मी कल्याण संघ के मुलाकात

अंजोर.रायपुर। राज्यपाल सुश्री अनुसुईया उइके ले आज राजभवन म श्रीमती माधुरी मृगे के अगुवई म अनुकंपा नियुक्ति शिक्षाकर्मी कल्याण संघ के आंदोलनरत सदस्य मन ह मुलाकात करिस। राज्यपाल ल सदस्य मन ह बताइन के उंकर परिजन बतौर शिक्षाकर्मी अस्थायी रूप ले लगभग 10-12 साल ले अपन सेवा देत रिहिस अउ संविलियन के पहिली ही उंकर मृत्यु हो चुके रिहिस, काबर के ये कर्मचारी मनके घर वाला के अनुकंपा नियुक्ति नइ मिलिस, जेकर ले परिवार आर्थिक चुनौती के सामना करत हावयं। प्रदेस म अइसे कुल 935 प्रकरण होए के जानकारी सदस्य मन ह दीस अउ राज्यपाल ले सहयोग के गेलौली करिन। महिला सदस्य मन ह बताइन के संविलियन के पहिली अइसे प्रकरण के निराकरण करके कर्मचारी के घर वाला के अनुकंपा नियुक्ति दे गे रिहिस। अतएव उंकर प्रकरण म सहानुभूतिपूर्वक विचार करे के गेलौली करिन।

राज्यपाल सुश्री उइके ह प्रतिनिधिमंडल के सदस्य मन के बात के गंभीरता के संग सुनिस अउ ए संबंध म जानकारी लेके सहयोग करे के बात कहिन। ए बखत श्रीमती माधुरी चंद्रा, गीता साहू, संतोषी राठौर अउ प्रमोद चौबे सहित आन सदस्य उपस्थित रिहिस।