 |
| Actress Sonali Sahare Diwali Photo |
अंजोर। छत्तीसगढ़ी फिल्म अभिनेत्री सोनाली सहारे एसो के देवारी म दर्शक मनला गजब खूबसूरत फोटो के संग बधाई दे हावय। सोनाली सहारे छॉलीवुड बर कोनो नवा नाम नोहय प्रणव झा के 'बीए सेकेंड इयर' के बाद 'ससुराल, दुल्हन पिया की, करम के लेखा, तही मोर सोना अउ मया होगे रे' जइसन फिल्म म तको शानदार अभिनय करे हावय।
सोनाली के बारे म कहे जाथे के ओमन जतके सुघ्घर अभिनय करथे ओतकेच सुघ्घर इंडस्ट्री म मान सम्मान तको पाथे। सोनाली सहारे हरेक परब-तिहार ल खास तरीके ले मनाथे। पाछु दिन नवरात्रि म तको ओमन मातारानी के सवांग धरे सोशल मीडिया म फोटो शेयर करे रिहिस जेला दर्शक मन खूब मया दूलार दिस।
एसो के देवारी म अभिनेत्री सोनाली सहारे तो अऊ गजब सुंदर फोटो शेयर करे हाबे। गरभर नौलखिया हार, हाथ म हरियर चुरी अउ पिवरी रंग के पारंपरिक परिधान उंकर सादगी अउ सुंदरता म चार चांद लगावत हाबे। देवारी के अइसन सुघ्घयर बधाई संदेश ले सोनाली ल मया करइया फैंस के संग छॉलीवुड गदगद हाबे। हमरो कोति ले सोनाली सहारे अउ उंकर परिवार ल देवारी तिहार के गाड़ा-गाड़ा बधाई।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।