 |
| Kajal Sonber Diwali Photo |
अंजोर। छत्तीसगढ़ी के सिनेमा के नवोदित सितारा काजल सोनबेर एसो के देवारी म पारंपरिक तरीका ले फोटोशूट कराये हाबे। सोशल मीडिया म देवारी के बधाई संदेश के संग काजल ह तीन पोज शेयर करे हाबे। लाल जोड़ा म काजल बहुत ही सुंदर दिखत हाबे। वइसे काजल के बारे में कहे जाथे के ओमन ल छत्तीसगढ़ी पहनावा गजब जचथे, बिगर मेकअप के तको सोनपुतरी दिखथे।
एसो के देवारी म काजल सोनबेर के कोनो बड़का फिल्म तो नइ आइस, फेर कई ठी कतार म हाबे। लेकिन काजल सोनबेर अपन फैंस ल हरेक तीज-तिहार म अपन खूबसूरत फोटो संग बधाई संदेश पठोथे। सोशल मीडिया म काजल के कई वीडियो एल्बम सफल होए हाबे, फिल्म म तको ओमन शानदार काम करत हाबे। कालज सोनबेर जी अइसने हांसी-खुशी के संग दर्शक के मनोरंजन करत राहय इही शुभकामना के संग देवारी तिहार के गाड़ा-गाड़ा बधाई।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।