अंजोर.बेमेतरा। छत्तीसगढ़ लोक सेवा आयोग डहर ले भृत्य परीक्षा-2022 इतवार 25 सितम्बर 2022 के मध्यान्ह 12 बजे ले मंझन 2 बजे तक आयोजित करे गे हावय। जिला बेमेतरा ले ये परीक्षा म कुल 3603 आवेदन करइया सामिल होही। जेला धियान म रखत जिला प्रशासन डहर ले सरकारी पं. जवाहर लाल नेहरु कला अउ विज्ञान स्नातकोत्तर कॉलेज बेमेतरा, लक्ष्मण प्रसाद बैद्य शास. कन्या कॉलेज बेमेतरा, शास. बालक उच्चतर महाविद्यालय, शास. कन्या उच्चतर महाविद्यालय, ज्ञानोदय पब्लिक स्कूल बेमेतरा, स्वामी आत्मानंद शिवलाल राठी अंग्रेजी माध्यम स्कूल बेमेतरा, शास. उच्चतर मा. स्कूल बावामोहतरा, शास. उ.मा. स्कूल जेवरी, शास. उ.मा. स्कूल जेवरा अउ शास. उ.मा. स्कूल कठियारांका कुल 10 परीक्षा केन्द्र बनाये गे हावयं।
कलेक्टर जितेन्द्र कुमार शुक्ला ह सुश्री हीरा गवर्ना डिप्टी कलेक्टर के सरी परीक्षा बर नोडल अधिकारी नियुक्त करे गिस अउ पुलिस अभिरक्षा म परीक्षा दिनांक के परीक्षा सामान पहुंचिसने अउ केन्द्र म नकल या अनुचित साधनों के प्रयोग के रोके अउ आकस्मिक निरीक्षण बर जिला प्रशासन के तनि सें 04 उड़नदस्ता दल के तको गठन करे गे हावय।
अभ्यर्थी ल परीक्षा केन्द्र म प्रवेश पाती अउ फोटो पहचान पाती के मूलप्रति सहित परीक्षा के 01 घण्टा पहिली उपस्थित हो जाए। पहचान पाती बर मतदाता पहचान पत्र/पासपोर्ड/ड्राईविंग लायसेंस/पैन कार्ड/आधार कारड अउ आयोग डहर ले करार आन पहचान पाती ही मान्य होही। अतः आवेदन करइया प्रवेश पाती म उल्लेखित निर्देश के धियान ले अवलोकन कर लें। मूल पहचान पाती के अभाव म प्रवेश नइ दे जाही। कोरोना ले बचाव बर गाईडलाईन मुताबिक सबो आवेदन करइया के मास्क/फेस कव्हर लगाना अनिवार्य हावय अउ अपन संग हेण्ड सैनिटाइजर के छोटे पारदर्शी बॉटल रख सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।