अंजोर.रायपुर। मुख्य सचिव अमिताभ जैन के अध्यक्षता म मंत्रालय म कोविड-19 टीकाकरण के मानिटरिंग के खातिर गठित राज्य स्तरीय स्टीयरिंग कमेटी के बइठक के आयोजन करे गिस। बइठक म मुख्य सचिव ह समिति के सदस्य मनल किहिन के 15 अगस्त ले 15 सितम्बर के बखत म बिसेस अभियान चलाके कोविड टीकाकरण अउ बूस्टर डोज लगाये जायें। ओमन सबो सरकारी अउ उंकर ले जुड़े परिजन, विभागीय योजना मन के लाभार्थी सहित आन नागरिक के ए अभियान के माध्यम ले टीकाकरण सुनिश्चित करे के निर्देश दे हावय। जैन ह संभागीय मुख्यलय म पांच बड़े कार्यालय म 11 अगस्त ले 14 अगस्त के बखत म टीकाकरण कैम्प लगाके टीकाकरण करे के निर्देश दे हावय। इही रकम ले 15 अगस्त के बाद 19-20-21 अगस्त के ब्लॉक स्तर के पांच बड़े कार्यालय केम्पस म टीकाकरण शिविर लगाये ल किहिन गे हावय।
बइठक म स्वास्थ्य विभाग के प्रमुख सचिव श्रीमती मनिन्दर कौर द्विवेदी ह बताइन के आजादी के 75 वें वर्षगाठ के मउका म अमृत महोत्सव के तहत 15 अगस्त ले 15 सितम्बर तक के बखत म कोविड-19 के बूस्टर डोज फोकट म लगाये जाही। प्रदेस म अब तक करीब दू करोड़ 22 लाख 76 हजार 912 लोगन के पहिली डोज, एक करोड़ 96 लाख 79 हजार 341 ह दूसरा डोज अउ 38 लाख एक हजार 813 लोगन के बूस्टर डोज लगाये जा चुके हावय। बइठक म पंचायत अउ ग्रामीण विकास, नगरीय विकास, राजस्व, महिला अउ बाल विकास, स्कूल शिक्षा, आदिवासी विकास, गृह विभाग, श्रम विभाग के राज्य स्तरीय अधिकारी मनने कोविड टीकाकरण के खातिर अपन विभाग के रणनीति-कार्ययोजना के विषय म विस्तर ले जानकारी दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।