साहित्यकार, पत्रकार लीलाधर मंडलोई वसुंधरा सम्मान ले होही सम्मानित

अंजोर.रायपुर। मुख्यमंत्री भूपेश बघेल सुप्रसिद्ध साहित्यकार अउ पत्रकार लीलाधर मंडलोई ल वसुंधरा सम्मान ले सम्मानित करही। मंडलोई ल ये सम्मान मुख्यमंत्री डहर ले 14 अगस्त के मंझनिया 12 बजे, मुख्यमंत्री निवास कार्यालय म आयोजित समारोह म दे जाही। ए कार्यक्रम के अध्यक्षता संस्कृति मंत्री अमरजीत भगत करही। जानबा होवय के वसुंधरा सम्मान स्वर्गीय देवी प्रसाद चौबे के सुरता म दे जाथे। उंकर 46वीं पुण्यतिथि म आयोजित वसुंधरा सम्मान के सरलग 22वां आयोजन हावय। ए सम्मान म प्रशस्ति पत्र, सुरता चिनहा अउ सम्मान निधि दे जात हावय। येकर आयोजन संस्कृति विभाग छत्तीसगढ़ शासन लोक जागरण के मासिक पत्रिका कृति वसुंधरा अउ चतुर्भुज मेमोरियल फाउंडेशन के डहर ले समिलहा रूप ले करे जाही।