छत्तीसगढ़ के पहिली महिला लेफ्टिनेंट बने म सुश्री वंशिका पांडे ल मुख्यमंत्री बघेल दीस बधाई

अंजोर.रायपुर। मुख्यमंत्री भूपेश बघेल ह भारतीय थल सेना म छत्तीसगढ़ के पहिली महिला लेफ्टिनेंट बने म सुश्री वंशिका पांडे ल बधाई अउ सुभकामना दीस हावय। महिला अउ बाल विकास मंत्री श्रीमती अनिला भेंड़िया ह तको सुश्री वंशिका पांडे ल बधाई अउ उंकर उज्ज्वल भविष्य के खातिर सुभकामना दीस।

ओमन किहिन हावय के वंशिका बिटिया ह अपन माता-पिता सहित पूरा प्रदेस के मान बढ़ाये हावय। उंकर ये सफलता प्रदेस के लाखों नोनी के खातिर प्रेरणास्त्रोत बनही। जानबा होवय के प्रदेस के राजनांदगांव म पले-बाढ़हे वंशिका पांडे ल पाछु 30 जुलाई के चेन्नई के प्रशिक्षण अकादमी के पासिंग आउट परेड म लेफ्टिनेंट के पदवी ले विभूषित करे गे हावय।