खरोरा म कॉलेज भवन के लोकार्पण करिन मुख्यमंत्री बघेल, आगामी शिक्षा सत्र ले खुलही स्वामी आत्मानंद उत्कृष्ट अंग्रेजी स्कूल, दानवीर दाऊ स्व.रामप्रसाद देवांगन के प्रतिमा के होइस अनावरण

अंजोर.रायपुर। मुख्यमंत्री भूपेश बघेल ह रायपुर जिला के खरोरा म बने कॉलेज भवन के लोकार्पण अउ दानवीर स्व. दाऊ रामप्रसाद देवांगन के प्रतिमा के अनावरण करिन। ए बखत आयोजित सभा ल संबोधित करत ओमन किहिन के दानवीर देवांगन ह लइका मनके भविष्य उज्जवल करे के खातिर अपन जीवनकाल म ही स्कूल के खातिर 4 एकड़ जमीन दान करे रिहिस। शिक्षा के माध्यम ले न केवल मनखे के विकास होवत  हावय। बल्कि परिवार अउ समाज मजबूत अउ विकसित होवत  हावय। ओमन शिक्षा के अलख जगाये म स्व. दाऊ रामप्रसाद देवांगन के महती सोच अउ भूमिका के तारीफ करिस। खरोरा म नया कॉलेज भवन बन जाये ले लइका ल अब उच्च शिक्षा के खातिर आन कोति जाये के जरूरत नइ परही।

उत्कृष्ट अंग्रेजी स्कूल खुलेगा

ए मउका म कृषि अउ पंचायत मंत्री रविन्द्र चौबे, श्रम मंत्री शिवकुमार डहरिया, धरसीवां विधायक श्रीमति अनिता योगेन्द्र शर्मा, गौसेवा आयोग के अध्यक्ष महंत रामसुंदर दास, छत्तीसगढ़ खनिज विकास निगम के अध्यक्ष गिरीश देवांगन, राज्य महिला आयोग के अध्यक्ष डॉ. किरणमयी नायक, जिला पंचायत अध्यक्ष श्रीमति डोमेश्वरी वर्मा अउ क्षेत्र के जनप्रतिनिधीगण, अधिकारी-कर्मचारी सहित बड़े संख्या म नागरिकगण उपस्थित रिहिस। 

ये मउका म  ओमन आम जनता के सुविधा अउ मांग मनके मुताबिक मोहरेंगा-कठिया अउ कोदवा-मढ़ी सड़क रद्दा बनाये करे घोसना करिस। येकर संगे-संग ओमन सरकारी उच्चतर माध्यमिक स्कूल कनकी के नाम शहीद युगल किशोर वर्मा अउ सरकारी हाई स्कूल मोहरेगा के नाम मण्डल दास गिलहरे के नाम ले करे के घोसना करिस। ए बखत ओमन विधायक के मांग म खरोरा म स्वामी आत्मानंद उत्कृष्ट अंग्रेजी स्कूल के भवन बनाये अउ अवइया शिक्षा सत्र ले सुरू करे के घोसना तको करिस। ए बखत मुख्यमंत्री बघेल के तीर स्व. रामप्रसाद देवांगन के सुपुत्र ईश्वरी देवांगन ह घर वाला के अउ स्वयं के व्यय म कॉलेज परिसर म सुसज्जित ऑडिटोरियम बनाये करे के घोसना करिस।

खरोरा कॉलेज म लगभग चार सौ पढ़ईया मनला सुविधा मिलही- 

खरोरा म स्व.रामप्रसाद देवांगन सरकारी कॉलेज के नव-निर्मित भवन म आस-पास के लगभग चार सौ पढ़ईया पढ़त रिहिनं हावय। पहिली खरोरा के पढ़ईया मन के कॉलेज के पढ़ाई के खातिर रायपुर-पलारी-बिलासपुर जाना पड़ता रिहिस। घर ले दूरिहा रहे-खाये के संग आन दूसर असुविधा तको विद्यार्थी ल होवत रिहिस। अइसे म 2017 म खरोरा म सरकारी कॉलेज सुरू होइस रिहिस। ए कॉलेज के नामकरण क्षेत्र के लोकप्रिय दानवीर अउ लइका के शिक्षा के खातिर हमेशा अग्रसर रेहे वाला दाऊ स्व.रामप्रसाद जी देवांगन के नाम म करे गिस रिहिस। ए कॉलेज के नया भवन तीन करोड़ 91 लाख रूपिया के लागत ले तइयार हावय। 2100-2100 वर्गमीटर क्षेत्र म भू-तल अउ पहिली तल म तइयार ए भवन म प्राचार्य कक्ष, उप प्राचार्य कक्ष, स्टाफ कक्ष, कार्यालय, सोलह क्लास रूम, पांच प्रयोगशाला कक्ष, लाइब्ररी कक्ष, कम्प्यूटर कक्ष, परीक्षा नियत्रंक कक्ष, कॉमन रूम सहित आठ स्टोर रूम तको बनाये गे हावय। ए कॉलेज म आर्टस, कामर्स अउ गणित विषय म विज्ञान संकाय के कक्षा संचालित होत हावय।