सीएम बघेल के मरवाही ल सौगात : स्नातकोत्तर, पॉलिटेक्निक, एनीकट-कम-काजवे, प्राथमिक स्वास्थ्य केंद्र सहित केऊ बुता के लोकार्पण

गौरेला-पेंड्रा-मरवाही। मुख्यमंत्री भूपेश बघेल ह बिलासपुर संभाग म भेंट-मुलाक़ात के शुरुआत विधानसभा क्षेत्र मरवाही ले करिस। मुख्यमंत्री ह मरवाही म महतारी नागेश्वरी के जुन्ना मंदिर म पूजा-अर्चना करके प्रदेसवासी के सुख-समृद्धि के कामना करिस। ओमन मरवाही के कॉलेज परिसर म स्थापित आदिवासी नेता स्वर्गीय डॉ. भँवर सिंह पोर्ते के आदमकद प्रतिमा के अनावरण तको करिन। मुख्यमंत्री ह नागरिक के मांग म उच्च शिक्षा के सुविधा के खातिर मरवाही के रानी दुर्गावती सरकारी कॉलेज म स्नातकोत्तर के कक्षा, पॉलिटेक्निक महाविद्यालय, सरकारी कॉलेज तक डामरीकृत सड़क, दलदली नाला म एनीकट-कम-काजवे, स्वास्थ्य सुविधा के खातिर गांव अण्डी म प्राथमिक स्वास्थ्य केंद्र के खातिर नया सेटअप अउ गांव सिवनी, खोडरी, कोडगार म नवा पुलिस थाना के सौगात दीस। मुख्यमंत्री भूपेश बघेल ह मरवाही म 71.12 लाख रूपिया के लागत ले बने नवा तहसील भवन के लोकार्पण करिन।