आदिवासी नेता डॉ. भँवर सिंह पोर्ते के प्रतिमा के अनावरण करिस मुख्यमंत्री भूपेश बघेल

गौरेला-पेंड्रा-मरवाही। प्रदेशव्यापी भेंट-मुलाक़ात अभियान म निकले मुख्यमंत्री भूपेश बघेल जिहां भी जात हावयं, उहाँ क्षेत्र के उत्थान के खातिर उल्लेखनीय बुता करइया विशिष्ट शख़्सियत मनके प्रति अपन कृतज्ञता प्रकट करत हावयं। इही क्रम म आज भेंट-मुलाक़ात के खातिर मरवाही पहुँचे मुख्यमंत्री श्री बघेल ह स्थानीय आदिवासी नेता स्व. डॉ. भँवर सिंह पोर्ते के आदमकद प्रतिमा के अनावरण करिन। ए मौक़े म मुख्यमंत्री श्री बघेल ह स्व. डॉ. पोर्ते के व्यक्तित्व अउ कृतित्व के सुरता करिन।

मुख्यमंत्री ह किहिन कि, स्वर्गीय डॉ. भँवर सिंह पोर्ते ह आदिवासी उत्थान अउ आदिवासी कल्याण समेत क्षेत्र के खातिर उल्लेखनीय जनकल्याणकारी बुता करे हावय। उंकर व्यक्तित्व के अंदाज़ा इही बात ले लगाये जा सकत हावय के स्व. डॉ. भँवर सिंह पोर्ते ल आदिवासी मन मसीहा के तौर म जानथे। डॉ. भँवर सिंह पोर्ते के प्रतिमा अनावरण के बाद मौजूद लोगन के संबोधित करत मुख्यमंत्री भूपेश बघेल ह किहिन के आज स्व. डॉ. पोर्ते के प्रतिमा के अनावरण करना मोर लिये सौभाग्य के बात हावय। हमन ल डॉ. पोर्ते के जीवन हमन ल प्रेरणा देत हावय।

आदिवासी मनके मसीहा कहे जाने वाला डॉ.भँवर सिंह पोर्ते मरवाही के गांव बदरौड़ी म 1 सितम्बर 1943 के एक आदिवासी परिवार म होइस। अविभाजित मध्यप्रदेश म आदिवासी विकास परिषद के संस्थापक अध्यक्ष रिहिन। कम उमर म जतका ख्याति अउ उपलब्धी डॉ. पोर्ते ह अर्जित कहरस, ओतका कम ही लोगन ल मिले हावय।