राजनांदगांव बेटी भारत के अंडर-16 बास्केटबॉल टीम म, मुख्यमंत्री दीस बधाई

राजनांदगांव। राजनांदगांव के दू बेटी मनला भारत के अंडर-16 बॉस्केटबॉल टीम म ठऊर  मिले  हावय। भारतीय खेल प्राधिकरण (SAI) के राजनांदगांव ट्रेनिंग सेंटर म प्रशिक्षण लेत प्रार्थना साल्वे अउ मोनी अडला जॉर्डन के अम्मान म आयोजित फीबा एशिया अंडर-16 बास्केटबॉल चैंपियनशिप म देश के टीम के प्रतिनिधित्व करही। ये चैंपियनशिप 24 जून ले 30 जून तक आयोजित हावय। मुख्यमंत्री भूपेश बघेल अउ खेल मंत्री उमेश पटेल ह भारतीय टीम म ये दुनों के चयन के खातिर बधाई दीस हावय। ओमन चैंपियनशिप म अच्छा प्रदर्शन के खातिर दुनों ल सुभकामना तको दीस हावयं।

मुख्यमंत्री भूपेश बघेल ह दुनों खिलाड़ी ल दीस बधाई अउ सुभकामना

डेल्ही पब्लिक स्कूल, राजनांदगांव के ये दुनों पढ़इया लइका के चयन ए साल जनवरी म इंदौर म होए जूनियर नेशनल बास्केटबॉल चैंपियनशिप म उत्कृष्ट प्रदर्शन के आधार म होइस हावय। ये दुनों खिलाड़ी ह अम्मान म होए वाला एशियन चैंपियनशिप के खातिर बेंगलुरू म आयोजित भारतीय टीम के कैंप म तको हिस्सा लेही।