मुख्यमंत्री के निर्देश म प्रदेस म ‘नरवा मिशन’ गठित

रायपुर। मुख्यमंत्री भूपेश बघेल के निर्देश म प्रदेस म नरवा कार्यक्रम के सुचारू संचालन, अनुश्रवण अउ नरवा विकास के बुता ल गति दे अउ पंचायत अउ ग्रामीण विकास विभाग अउ जलवायु परिवर्तन विभाग डहर ले नरवा विकास के करे  म समन्वय स्थापित करे के खातिर वन अउ जलावायु परिवर्तन विभाग के अपर मुख्य सचिव सुब्रत साहू के अध्यक्षता म सात सदस्यीय ‘नरवा मिशन’ के गठन करे गिस।

पंचायत अउ ग्रामीण विकास विभाग के सचिव आर. प्रसन्ना, प्रधान मुख्य वन संरक्षक अउ वन बल प्रमुख राकेश चतुर्वेदी, अपर प्रधान मुख्य वन संरक्षक अउ मुख्य कार्यपालन अधिकारी कैम्पा व्ही. श्रीनिवास राव, अपर प्रधान मुख्य वन संरक्षक (संयुक्त वन प्रबंधन) अरूण कुमार पाण्डेय, महात्मा गांधी राष्ट्रीय ग्रामीण रोजगार मिशन के आयुक्त मोहम्मद अब्दुल कैसर हक, नरवा-गरवा-घुरवा-बाड़ी अउ छत्तीसगढ़ गोधन न्याय योजना के नोडल अधिकारी डॉ. तंबोली अय्याज फकीर भाई अउ महात्मा गांधी राष्ट्रीय ग्रामीण रोजगार मिशन के मुख्य अभियंता नारायण निमजे नरवा मिशन के सदस्य होही।

जानबा होवय के प्रदेस म ‘नरवा कार्यक्रम’ मुख्यतः पंचायत अउ ग्रामीण विकास विभाग अउ वन अउ जलवायु परिवर्तन विभाग डहर ले संचालित करे जात हावय। ‘नरवा कार्यक्रम’ म छोटे-छोटे भूमिगत डाइक जइसे संरचना के मदद ले नाला के सरलग बहने वाला सदानीरा नाला बनात नाला के जल डहर ले भूमिगत जल के रिचार्ज करे के लक्ष्य रखे गे हावय।