रासायनिक खाद के कमी, मंत्री भगत दूर करे के कलेक्टर ज दीस निर्देश

रायपुर। खाद्य, नागरिक आपूर्ति अउ उपभोक्ता संरक्षण मंत्री अमरजीत भगत ह सरगुजा जिला कलेक्टर ले फोन के माध्यम ले गोठबात करके विधानसभा क्षेत्र सीतापुर सहित सरगुजा (अम्बिकापुर) जिला म खातु के कमी ल पूरा करे अउ किसान मन के सुगमता पूर्वक खातु उपलब्ध कराये के निर्देश दे हावयं।

जानबा होवय के मंत्री श्री भगत ह सीतापुर अउ अंबिकापुर क्षेत्र के किसान मन डहर ले रासायनिक खातु संबंधी समस्या बताए जाये म तुरते संज्ञान म लेवत कलेक्टर ले फोन म बात करिस। श्री भगत ह कलेक्टर ल किसान मन के समस्या ले अवगत कराइन अउ जिला म  खातु के उपलब्धता के जानकारी लिस। ओमन किसान मन के समस्या अउ ज़रूरत के पूरा करे के खातिर जरूरी कदम उठाये के तको निर्देश दिस।

मंत्री श्री भगत ह किहिन के छत्तीसगढ़ सरकार किसान मन के कल्याण के खातिर प्रतिबद्ध हावय। सरलग किसान मन के आय बढ़ाये के खातिर सरकार डहर ले उचित कदम उठाए जात हावयं।