एसो ले 76 अउ नवा स्वामी आत्मानंद उत्कृष्ट अंग्रेजी माध्यम स्कूल सुरू होही

अंजोर
0

एसो ले 76 अउ नवा स्वामी आत्मानंद उत्कृष्ट अंग्रेजी माध्यम स्कूल सुरू होही

रायपुर। मुख्यमंत्री भूपेश बघेल के घोसना के परिपालन म स्कूल शिक्षा विभाग डहर ले राज्य म 76 नवा  स्वामी आत्मानंद अंग्रेजी माध्यम स्कूल इही शैक्षणिक सत्र ले सुरू करे  जात हावय। ये नवा  स्कूल म पढ़ईया मन ल एक जुलाई ले प्रवेश दे जाही। कलेक्टर मनला नवा स्कूल म जरूरत अनुसार शैक्षिक अउ गैर शैक्षिक पद के पूर्ति के संग ही आन व्यवस्था सुनिश्चित करे के निर्देश दे हावयं। 76 नवा  स्कूल के खुल जाये ले राज्य म स्वामी आत्मानंद उत्कृष्ट अंग्रेजी माध्यम स्कूल मनके संख्या 171 ले बढ़के 247 हो जाही। राज्य म 32 स्वामी आत्मानंद उत्कृष्ट हिन्दी माध्यम स्कूल संचालित हावय।

स्कूल शिक्षा मंत्री डॉ. प्रेमसाय सिंह टेकाम ह बताइन के सबो 76 नवा  स्कूल के सुरू करे  जाये के लेके शिक्षा  अधिकारी मनको निर्देश जारी करके दे गे हावयं। ओमन बताइन के मुख्यमंत्री भूपेश बघेल के निर्देश के मुताबिक स्वामी आत्मानंद अंग्रेजी माध्यम स्कूल के गुणवत्तापूर्ण शिक्षा अउ अधोसंरचना के बेवस्था सुनिश्चित करे गे हावय, जेकर चलत ये स्कूल के क्रेज बढ़ा हावय अउ मुख्यमंत्री के भ्रमण अउ भेंट-मुलाकात के बखत बड़े संख्या म पालक अउ लइका अंग्रेजी माध्यम स्कूल के मांग अपन इलाका म करत रिहिन हावय।

मंत्री डॉ. टेकाम ह बताइन के रायपुर म सबले जादा 12 स्वामी आत्मानंद उत्कृष्ट अंग्रेजी माध्यम स्कूल अउ सुरू करे  जा हावय, जेन मोवा, लालपुर, शांतिनगर, गुरूनानक चौक, मोहबा बाजार, सरोना, मदिर-हासौद, समोदा, गोबरानावापारा, सारागांव, तिलकनगर गुढ़यारी, बीरगांव रायपुर म खुलही। इही रकम ले बिलासपुर म लाल बहादुर हायर सेकेण्डरी स्कूल, अंबेडकर स्कूल अउ तिलकनगर बिलासपुर में, कोरबा जिला के पोड़ी उपरोड़ा ब्लॉक ले पसान अउ कोरबी अउ बालको कोरबा में, कोरिया जिला म नवापारा पोड़ी, पिपरडांड बैकुण्ठपुर अउ केलहारी, कोण्डागांव जिला म कोण्डागांव, मरदापाल अउ कोनगुड़, कांकेर जिला म सरोना, कबीरधाम जिला म कचहरी पारा कवर्धा, बलौदाबाजार जिला म सरसींवा, सुहेला, भंटगांव, लवन, रायगढ़ जिला म कोड़ातराई, राजनांदगांव जिला म साल्हेवारा, धमतरी जिला म गोकुलपुर अउ चर्रा (कुरूद), बीजापुर जिला म कुटरू अउ मद्देड़, बलौद जिला म नयापारा राजहरा, गुण्डरदेही, देवरीबंगला, बस्तर जिला म करन्दोला (भानपुरी), धरमपुरा, बकावण्ड अउ नानगुर, बेमेतरा जिला म सिंघौरी, साजा, थानखम्हरिया अउ देवरबीजा अउ बलरामपुर जिला म रामचंदपुर, डौरा अउ चलगली म नवा स्वामी आत्मानंद उत्कृष्ट अंग्रेजी माध्यम स्कूल सुरू करे  जात हावयं।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !