वैज्ञानिक पद्धति ले होही जाए नरवा के विकास : मुख्यमंत्री भूपेश बघेल

रायपुर। मुख्यमंत्री भूपेश बघेल ह किहिन हावय के नरवा विकास योजना ले नाला म जल संरक्षण अउ संवर्धन करे  के बुता वैज्ञानिक पद्धति ले करे जाए। नरवा विकास के बुता के बाद जल स्तर म होए वाला सुधार के आंकलन तको वैज्ञानिक पद्धति ले रिमोट सेंसिंग सैटलाइट के जरिए करे जाए। प्रदेस म जेन नाला के उपचार करे गे हावय, ओला दर्शाये वाला नक्शा तको तइयार करे जाना चाही। मुख्यमंत्री निवास कार्यालय म नरवा विकास योजना के वन क्षेत्र म कैंपा मद ले आने-आने नाला के उपचार के करे के बुता के समीक्षा करत रिहिस।

श्री बघेल ह बइठक म किहिन के छत्तीसगढ़ के सैटेलाइट नक्शा उपलब्ध हावय, एमे जिहां-जिहां फ्रैक्चर हावय, उहां म भू जल संवर्धन संरचना तइयार करे जाना चाही, जेकर ले जल के भूमि म अच्छा ढंग ले रिसाव हो सकही। ओमन नरवा उपचार के बुता ले माटी के क्षरण म आत कमी के आंकलन करे के तको निर्देश दिस।

मुख्यमंत्री श्री बघेल ह बइठक म समीक्षा करत किहिन के छत्तीसगढ़ सरकार के सुराजी गांव योजना नरवा, गरवा, घुरूवा अउ बाड़ी ले गांव-गांव म रोजगार सहित आर्थिक गतिविधी ल अच्छा गति मिले हावय। एमे खासकर जल संचयन अउ जैव अउ पर्यावरण सुधार म नरवा विकास योजना एक कारगर माध्यम साबित होवत हाबे। राज्य म नरवा विकास के चलत नाला के आसपास के इलाका म भूजल स्तर म उल्लेखनीय बड़वार दर्ज होत हावय। येकर तहत मैदानी क्षेत्र ले तको जादा वनांचल म नरवा विकास योजना ले भू-जल स्तर म 20 ले 30 सेंटीमीटर के बड़वार के संग उत्साहजनक परिणाम मिले हावयं। येकर ले वनांचल म वन्य जीव मनके रहवास मं  सुधार सहित निस्तारी अउ सिंचाई उक सुविधा के तको लोगन ल भरपूर लाभ मिले लगे हावय।