रायपुर। बाल संरक्षण विशेषज्ञ सुश्री चेतना देसाई ह एकलव्य आदर्श आवासीय स्कूल के छात्रावास अधीक्षक मनके प्रशिक्षण कार्यक्रम के समापन मउका म किहिन के छात्रावास अधीक्षक प्रशिक्षण म सीखी गे नवा-नवा बात अउ नवाचार के उपयोग छात्रावास के कुशल प्रबंधन म करें। ओमन लइका के मनो-सामाजिक स्वास्थ्य के खातिर बनाये गे एकलव्य आदर्श आवासीय स्कूल हेल्पलाइन नंबर- 9343007820 के अपन क्षेत्र म प्रचार करे के सुझाव तको दे ताकि लइका के अभिभावक अउ पढ़ईया ए हेल्पलाईन नंबर म कॉल करके अपन शंका के आसानी ले समाधान कर सकें। समापन सत्र म प्रशिक्षण संस्थान निमोरा के संकाय विशेषज्ञ श्री एल.के. शर्मा तको उपस्थित रिहिस।
जानबा होवय के अनुसूचित जाति अउ जनजाति विभाग अउ यूनीसेफ के सहयोग ले ठाकुर प्यारेलाल राज्य पंचायत अउ ग्रामीण विकास संस्थान निमोरा म एकलव्य आदर्श आवासीय स्कूल के छात्रावास अधीक्षक मनके छात्रावास के कुशल प्रबंधन, प्रभारी संचालन अउ पढ़ईया मनके मनो-सामाजिक देखभाल करके 8 जून ले 13 जून तक क्षमता विकास प्रशिक्षण कार्यक्रम आयोजित करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।