अंतर्राष्ट्रीय योग दिवस : योगा फार ह्यूमैनिटी’ थीम म होही ए साल योग दिवस

yoga-day

रायपुर। भारत सरकार के आयुष मंत्रालय के दिशा-निर्देशन म 21 जून के आठवां अंतर्राष्ट्रीय योग दिवस के आयोजन होही। ए साल योग दिवस के थीम ‘‘योगा फार ह्यूमैनिटी’’ रखे गे हावय। ए मउका म राज्य अउ जिला स्तरीय आयोजन छत्तीसगढ़ के ऐतिहासिक पर्यटन जगह अउ धार्मिक जगह म करे जाही। येकर खातिर जगह के चिन्हांकन करे गे हावय। कार्यक्रम म प्रभारी मंत्री, विधायकगण अउ जनप्रतिनिधि तको सामिल होही।

कार्यक्रम के खातिर स्कूल शिक्षा विभाग, महिला अउ बाल विकास विभाग अउ स्वास्थ्य विभाग के नोडल अधिकारी नियुक्त करे गे हावय। अन्तर्राष्टीय योग दिवस के मउका म योग प्रोटोकाल पुस्तिका बांटे जाही। 03-10 साल के लइका अउ 11-18 साल के किशोर वर्ग बर योगाभ्यास मार्गदर्शिका प्रकाशित करे गे हावय।