रोका-छेका : गांव-गावं म परगे हांका, ढिल्ला झन छोड़व गरवा

रोका-छेका

रायपुर। मुख्यमंत्री भूपेश बघेल के निर्देश के मुताबिक खेती-किसानी ले जुरे छत्तीसगढ़ के ग्रामीण संस्कृति के जुन्ना परंपरा के मुताबिक गांव म अवइया फसल के बुआई के पहिली खुला चरात गरवा मनले फसल मन ल बचाये खातिर ए साल तको ‘‘रोका-छेका’’ कार्यक्रम के आयोजन करे जाही।

रोका-छेका ले किसान अउ पशुपालक अपन पशु मन ल खुला म चराई के खातिर नइ छोड़े के संकल्प लेवत हावयं, ताकि फसल मन के नुकसान झन पहुंचे। पशु मन के घर, बाड़ी अउ गउठान म रखे जात हावय अउ उंकर चारा-पानी के प्रबंध तको करे जाथे। गांव म गउठान के बने ले रोका-छेका के काम अब अउ भी जादा आसान हो गे हावय। गउठान म पशु मनके देखभाल अउ उंकर चारा-पानी के बेवस्थाव के चिन्ता अब किसान मन अउ पशुपालक के नइ हावय। गउठान म येकर प्रबंध पहिली ही करे हावय।

कलेक्टर अउ जिला पंचायत के मुख्य कार्यपालन  अधिकारी मनला रोका-छेका कार्यक्रम के आयोजन के संबंध म विस्तार ले दिशा-निर्देश जारी करे  गे हावयं। प्रदेस के सबो कलेक्टर मन अउ जिला पंचायत मनके मुख्य कार्यपालन  अधिकारी मनला छत्तीसगढ़ के रोका-छेका प्रथा के मुताबिक गउठान म पशु मन के प्रबंधन अउ रख-रखाव के उचित बेवस्था करे, पशुपालक अउ किसान मनला अपन पशु मन ल घर म बांधे रखे के खातिर प्रोत्साहित करे अउ गांव म पहटिया (चरवाहा) के बेवस्था करे के संबंध म 20 जून तक गांव स्तर म बइठ आयोजित करे के निर्देश दे गे हावयं।

‘‘रोका-छेका’’ होए ले किसान बुआई बुता करही, संग ही दूसरी फसल ले के खातिर प्रेरित होवत हावय। कलेक्टर मन अउ जिला पंचायत के मुख्य कार्यपालन  अधिकारी मनजे किहिन हावय के 20 जून तक गांव स्तर म गांव सरपंच, पंच, जनप्रतिनिधि अउ ग्रामीणजन के बइठक आयोजित करके पशु मनके रोकथाम ले फसल बचाव के फइसला गांव सरपंच, पंच, जनप्रतिनिधी मन अउ गांव वाला के डहर ले जाए। फसल ल चराई ले बचाये बर पशु मनला गउठान म सरलग रूप ले लाये जाये के संबंध म सबोच गउठान गांव म मुनादी कराही।