कांसाबेल के सामुदायिक बाड़ी ले रानी स्व-सहायता समूह के महिलामन बनिस आत्मनिर्भर

सामुदायिक बाड़ी से आत्मनिर्भर महिला

जशपुरनगर। जशपुर जिला म गउठान के माध्यम ले स्व-सहायता समूह के महिला मनला आर्थिक रूप ले सशक्त बनाये बर आने-आने रकम ले आजीविका मूलक योजना मन ले जोड़क जात हावय। जेकर ले वो आत्मनिर्भर बन सके अउ अपन परिवार के आर्थिक मदद कर सके। इही कड़ी म कांसाबेल के दोकड़ा गउठान के रानी स्व-सहायता समूह के महिला मन मल्टीएक्टीविटी के तहत गउठान के उपलब्ध भूमि म सामुदायिक बाड़ी म सब्जी उत्पादन के बुता बर 0.200 हे. भूमि के चयन करे गिस।

समूह के महिला मन ह बताइन के सामुदायिक बाड़ी म सब्जी उत्पादन के बर उद्यान विभाग अउ एनआरएलएम विभाग डहर ले उचित मार्गदर्शन करे गिस। सामुदायिक बाड़ी म लगाये गे सब्जी ल बेचे स्थानीय बाजार म करत हावय। ओमन बताइन के सामुदायिक बाड़ी म गउठान के भूमि म टमाटर, बैंगन, मिर्च, कद्दूवर्गीय अउ सब्जी के रोपण करे गिस। जेमा समूह के 4000 हजार के लागत आईस।  ओमन बताइन के बाड़ी म सब्जी के उत्पादन अच्छा होइस हावय। जेकर ले अब तक ओमन 51 हजार रूपिया के शुद्ध आमदनी होए हावय।  संग ही ओमन किहिन के सामुदायिक बाड़ी ले आय मिले उपराहा ल समूह के सदस्य गउठान म आन मल्टीएक्टीविटी ले अकताहा आय पावत हावय।

समूह के महिला मन ह किहिन के बाजार म सब्जी के मांग के देखत वो अउ आन सब्जी के उत्पादन करहीं। जेकर ले उंकर समूह के आर्थिक रूप ले जादा लाभ मिलही। ओमन बताइन के सब्जी उत्पादन के खातिर ओला प्रशासन के माध्यम ले प्रशिक्षण तको दे गिस। जेकर ओला अच्छा लाभ मिले हावय।