 |
| 10th topper wants to become an IAS officer |
पत्थलगांव। छत्तीसगढ़ के मुख्यमंत्री भूपेश बघेल के लइका के प्रति लगाव कोनो ले छिपे नइ हावय। लइका ल लेके मुख्यमंत्री काफी संवेदनशील हावयं। आज पत्थलगांव विधानसभा के बटई केरा गांव म येकर एक अउ झलक देखे ल मिलीस। मुख्यमंत्री 10वीं कक्षा के टापर साक्षी सिंह कुशवाहा ले बात करत रिहिस।
मुख्यमंत्री ह साक्षी ले पूछिस के वो का बनना चाहत हावय, ए म साक्षी ह जवाब दिस के वो बड़े होके IAS अधिकारी बनना चाहत हावय। मुख्यमंत्री भूपेश बघेल पढ़इया लइका के जवाब ले खुश होके हंसे लगिस अउ लोगन ले साक्षी के खातिर तालियां तको बजवाइस। मुख्यमंत्री ह अपन बगल म बइठे IAS अधिकारी मनकी कोति इशारा करत किहिन के तै IAS बनबे त मोर बगल म तोर खातिर तको जगह होही। मुख्यमंत्री के ए बात ले पढ़इया लइका साक्षी के संग उहां मौजूद सबो लोगन मुस्कुराये बिना नइ रहे सकिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।